Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr elektrondy saýdany damytý boıynsha tapsyrmalar berdi

2020 jyldyń 28 shilde 2020 10:20

NUR-SULTAN. QazAqparat – QR Premer-Mınıstri Asqar Mamın elektrondy saýdany jolǵa qoıý boıynsha birqatar tapsyrma berdi, dep habarlaıdy QazAqparat.

«Qazirgi tańda, ásirese pandemııa jaǵdaıynda álemdik trendterge sáıkes Qazaqstanda elektrondy saýda qarqyndy damyp keledi. Elektrondy saýdanyń bólshek saýda aınalymyndaǵy kólemi men úlesi bir jarym esege ósti. Naryqtyń osy segmentiniń perspektıvasy úlken, ári ekonomıkanyń ilespe sektorlary – logıstıkaǵa, konteınerlik tasymaldaýǵa, kýrerlik qyzmetterge, tsıfrlyq servıster men qyzmetterge, eńbek naryǵyna jáne taǵy basqalarǵa mýltıplıkatıvti áserin tıgizedi, - dep atap ótti Premer-Mınıstr Úkimet otyrysynda.

Úkimet basshysy alda elektrondy saýda rásimderin jeńildetip, qarjylandyrýǵa jol ashatyn, ınternet arqyly mámile jasaýǵa senimdilikti nyǵaıtatyn jáne kıberqylmystarǵa qarsy áreket etýge múmkindik beretin tıimdi sharalardy qalyptastyrý mindeti turǵanyn jetkizdi.

«Birinshiden, boljamdarǵa sáıkes, 2025 jylǵa qaraı aralas salalardy eskere otyryp, 300 myńnan astam jańa jumys oryndary ashylady. Osy rette Saýda mınıstrligine Eńbek mınıstrligimen, «Atameken» palatasymen jáne iri ınternet-dúkendermen birge kásipkerlerdi onlaın-saýdany tıimdi júrgizýge oqytý boıynsha arnaıy baǵdarlama ázirleýdi tapsyramyn. Sonyń ishinde, osy baǵdarlamaǵa jastardy belsendi tartý qajet.

Ekinshiden, saýda logıstıkasyn odan ári tıimdi damytý maqsatynda Saýda, Tsıfrlyq damý mınıstrlikterine logıstıqalyq ortalyqtar jelisin jáne qazir qurylyp jatqan ulttyq taýar ótkizýshi júıeni damytý boıynsha Jospardy úılestirýdi tapsyramyn», - dedi A. Mamın.

Úshinshiden, Premer otandyq onlaın saýdany damytý úshin Tsıfrlyq damý mınıstrligine Saýda mınıstrligimen jáne Qazaqstan Damý bankimen birge onlaın bızneske nesıe berý máselesin pysyqtaýdy tapsyrdy.

Sonymen birge, ınnovatsııalyq tehnologııalyq sheshimderdi qoldaný osy saladaǵy zańnamaǵa ózgerister men tolyqtyrýlar engizýdi talap etetinin, Tsıfrlyq damý mınıstrligine tıisti zań jobasyn ázirleýdi Úkimettiń qaraýyna bıyl usyný qajettigin aıtty.

«Besinshi, onlaın saýdada tutynýshylardyń múddelerin qorǵaýdy qamtamasyz etý qajet. Saýda mınıstrligine Ulttyq ekonomıka mınıstrligimen birge «bir tereze» qaǵıdaty boıynsha Tutynýshylardyń aryzdary men usynystaryn qabyldaýdyń biryńǵaı platformasyn iske qosýdy jandandyryp, tıimdi keri baılanysty jolǵa qoıýdy tapsyramyn. Aıtylǵan tásilderdi eskere otyryp, Saýda mınıstrligi men Tsıfrlyq damý mınıstrlikterine múddeli memlekettik organdarmen jáne uıymdarmen birlesip, Elektrondyq saýdany damytýdyń 2023 jylǵa deıingi jol kartasyn jandandyryp, is-sharalardy oryndaýdyń naqty merzimderin belgileýdi tapsyramyn», - dedi Asqar Mamın.


Joǵary qaraı