Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr Hyundai avtomobılderin qurastyrý zaýytynyń ashylýyna qatysty

2020 jyldyń 15 qazan 2020 15:43

ALMATY. QazAqparat - QR Premer-Mınıstri Asqar Mamın Hyundai avtomobılderin qurastyrý zaýytynyń ashylý rásimine qatysty, dep habarlaıdy QazAqparat Úkimettiń baspasóz qyzmetine silteme jasap.

Telekópir formatynda ótken zaýyttyń ashylý saltanatyna Koreıa Respýblıkasynyń saýda, ındýstrııa jáne energetıka mınıstri Son ıÝn Mo, Qazaqstan Respýblıkasynyń Indýstrııa jáne ınfraqurylymdyq damý mınıstri B. Atamqulov, «Hyundai Motor Company» prezıdenti Lı Von jáne «Astana Group» prezıdenti N.Smaǵulov qatysty.





Zaýyt álemdik avtomobıl jasaýdyń zamanaýı tehnologııalary men ekologııalyq standarttar talaptaryn eskere otyryp salynǵan.

Kásiporynnyń jobalyq qýattylyǵy birinshi kezeńde jylyna 30 myń birlikti, ekinshi kezeńde jylyna 45 myń birlikke deıin quraıdy. Investıtsııalardyń jalpy kólemi 28 mlrd teńgeden asady.





Shektes salalardy eskere otyryp, 1000-nan astam jańa jumys oryndary quryldy. Aldaǵy ýaqytta avtokomponentter shyǵaratyn zaýyt ashý kózdelgen, bul 51%-dan astam jergiliktendirýdi qamtamasyz etýge jáne TMD elderine eksportqa shyǵýǵa múmkindik beredi. «2020 jyldyń 9 aıynda avtomobıl jasaý salasyndaǵy óndiris kólemi 50%-dan astamǵa ulǵaıdy. Bul sala joǵary bilikti jumys oryndaryn ashýǵa jáne qosylǵan quny joǵary ónim shyǵarýǵa múmkindik beredi», — dedi A. Mamın.





Premer-Mınıstr Almaty qalasynda Hyundai avtomobıl óndirisiniń ashylýy avtomobıl ónerkásibiniń álemdegi asa iri kóshbasshylarynyń biri «Hyundai Motor Company» kompanııasymen ónerkásiptik kooperatsııany keńeıtýdiń, sondaı-aq Qazaqstannyń Koreıa Respýblıkasymen jemisti yntymaqtastyǵyn tereńdetýdiń kórnekti úlgisi bola alatynyn atap ótti. Jumys sapary aıasynda Úkimet basshysy Almaty qalasyndaǵy JEO-2 aralap, onda elektr stantsııasyn jańǵyrtý jáne gazǵa aýystyrý tujyrymdamasymen tanysty.

Іle Alataýy memlekettik ulttyq tabıǵı parkinde Premer-Mınıstrge Qazaqstanda ekologııalyq týrızmdi damytý jobalary tanystyryldy. A. Mamın Úlken Almaty aınalma avtomobıl jolynyń (ÚAAAJ) jáne qalanyń basqa da kólik jáne turǵyn úı ınfraqurylymy nysandarynyń qurylysymen tanysty, sondaı-aq densaýlyq saqtaý jáne bilim berý mekemeleri — «Halyk Arena»-daǵy ınfektsııalyq statsıonarǵa, erekshe qajettilikteri bar balalar men jasóspirimderge arnalǵan «MEIIRIM» ońaltý ortalyǵyna jáne Sh. Ýálıhanov atyndaǵy mektepke bardy. 2020 jyldyń 9 aıynda ótken jyldyń sáıkes kezeńimen salystyrǵanda Almaty qalasynda ónerkásiptik ónim óndirisiniń kólemi 3,2%-ǵa 712,2 mlrd teńgege deıin, negizgi kapıtalǵa ınvestıtsııalar 12,5%-ǵa 608,2 mlrd teńgege deıin, qurylys jumystarynyń kólemi 6,9%-ǵa (248,5 mlrd teńgege), paıdalanýǵa berilgen turǵyn úı aýmaǵy 8%-ǵa (1,47 mln sh.m. astam) ósti.






Joǵary qaraı