Prezıdent: Áleýmettik tólemderdi jyl saıyn ındeksteýge 3 trln teńgeden astam qarajat bólinedi

NUR-SULTAN. QazAqparat - Qarjyny jáne járdemaqyny negizsiz, ońdy-soldy taratýdy doǵarý qajet. Bul týraly Nur Otan partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bizdiń baǵdarlamamyzda negizgi 4 basymdyq bar. Birinshi - ár azamatqa óz áleýetin júzege asyrý úshin teń múmkindik berý. Biz áleýmettik-ekonomıkalyq saıasatta naryq tásilderin basshylyqqa alamyz. Qarjyny jáne járdemaqyny negizsiz, ońdy-soldy taratýdy doǵarý qajet. Memleket ataýly kómekti shyn máninde muqtaj adamdarǵa berý kerek. Eń bastysy - áleýmettik ádildik», - dedi QR Prezıdenti.

Memleket basshysy sol sebepti muqtaj jandarǵa qamqorlyq jasaýǵa basa mán beriletindigin aıtty.

«Áleýmettik saıasatty júrgizgende qıyndyqqa tap bolǵan azamattarǵa ataýly kómek kórsetý sharalary kúsheıtiledi. Aldaǵy 5 jyl ishinde áleýmettik tólemderdi jyl saıyn ındeksteý úshin 3 trln teńgeden astam qarajat bólinedi. Ortaq zeınetaqy mólsheri de jyl saıyn ındeksteletin bolady. Bul rette biz muny ınflıatsııa deńgeıine 2 paıyz qosyp júzege asyrýdy usynyp otyrmyz», - dedi Qasym-Jomart Toqaev.