Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent AMANAT partııasynan ketip, saıası ýádesin oryndady – Erlan Qarın

2022 jyldyń 26 sáýir 2022 18:18

NUR-SULTAN. QazAqparat - QR Memleket hatshysy Erlan Qarın Prezıdent Qasym-Jomart Toqaevtyń Amanat partııasynan ketýin saıası ýádeni oryndaý retinde baǵalady, dep habarlaıdy QazAqparat tilshisi.

«AMANAT partııasynyń sezi ótip, uıym Adal partııasymen birikti. Munyń áserinen bılik partııasynyń elektoraldyq bazasy keńeıip, qoǵamnyń reformalar tóńiregine shoǵyrlanýy jalǵasady. Jalpy bul qadam AMANAT partııasynyń naýryzda bastalǵan transformatsııasymen sáıkesedi. Prezıdent Qasym-Jomart Toqaevtyń AMANAT partııasyna tóraǵalyq etýdi doǵaryp, partııa quramynan shyǵýy aıtarlyqtaı jańalyq bolǵany sózsiz. Onymen birge AMANAT burynǵydaı prezıdent baǵytyn ustanýshylardyń shoǵyrlaný ortasy bolyp qala beredi. Memleket basshysy qańtar aıynda partııa tórǵasynyń tóraǵalyǵy qyzmetinde kirisken kezde bul laýazymdy ýaqytsha ǵana jyl sońyna deıin qabyldaǵanyn aıtqanyn atap ótý kerek. Saıası ýáde oryndaldy», - dep jazdy ol Telegram kanalynda.

Sondaı-aq, Konstıtýtsııaǵa tıisti ózgeris engiziletinin eske saldy.

«Oǵan qosa Memleket basshysy naýryz aıyndaǵy Joldaýynda Konstıtýtsııada el Prezıdenti ýákiletindegi adam saıası partııa quramynda bolmaýy kerek degen normany bekitýdi usynǵan bolatyn. Osylaısha Prezıdent Konstıtýtsııaǵa osyndaı ózgeristiń engizilýin kútpesten ózi bastamashy bolǵan saıası reformany is júzinde bastap ketti», - dep jazdy Memleket hatshy.

Aıta keteıik, búgin AMANAT partııasynyń HHІІІ sezine qatysqan Prezıdent Qasym-Jomart Toqaev partııadan shyǵý jóninde sheshim qabyldaǵanyn málimdep, tóraǵalyqtan ketken bolatyn.


Joǵary qaraı