Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent aýyl ákimderiniń saılaýy týraly: Bul oqıǵa saıası jańǵyrýdyń jańa kezeńin bildiredi

2021 jyldyń 23 shilde 2021 10:24

NUR-SULTAN. QazAqparat - 25 shilde kúni Qazaqstanda alǵash ret aýyl ákimderiniń tikeleı saılaýy ótedi. Bul oqıǵa saıası jańǵyrýdyń jańa kezeńin bildiredi. Bul týraly QR Prezıdenti Qasym-Jomart Toqaev tvıtterdegi paraqshasynda jazdy.

«25 shilde kúni Qazaqstanda alǵash ret aýyl ákimderiniń tikeleı saılaýy ótedi. Bul oqıǵa saıası jańǵyrýdyń jańa kezeńin bildiredi. Saılaýshylardy belsendi daýys berýge shaqyramyn. Halyqtyń múddesi úshin barlyq qajetti ózgeristerdi júzege asyrý kerek», - dep jazdy Toqaev.

«25 shilde kúni aýyl ákimderiniń tikeleı saılaýy ótedi. Bul bastamany Prezıdent Qasym-Jomart Toqaev 2020 jylǵy 1 qyrkúıektegi Joldaýynda usynǵan bolatyn. Memleket basshysy atap ótkendeı, aldaǵy daýys berý naýqany saıası jańǵyrýdyń jańa kezeńin bildiredi, sondaı-aq, júrgizilip jatqan reformalardyń dáıektiligin jáne tıimdiligin kórsetedi.

Saılaý naýqany barysynda azamattarymyz joǵary belsendilik tanytyp, turǵyndardyń memleket isi men qoǵam ómirine etene aralasatynyn jáne elimizdiń qazirgi damýy men keleshegine zor jaýapkershilikpen qaraıtynyn kórsetti. Muny Prezıdent «azamattyq patrıotızmniń shyn mánindegi shynaıy kórinisi» dep atap ótti», dep jazdy óz kezeginle QR Prezıdentiniń baspasóz hatshysy Berik Ýálı Facebook paraqshasynda.

Jergilikti atqarýshy organdardyń basshylary sanalatyn ákimder memlekettiń basty mindetteriniń biri – otandastarymyzdyń turmys sapasyn arttyrý máselesin sheshýde negizgi ról atqarýy tıis.

«Qasym-Jomart Toqaev aýyldar men aýdandyq mańyzy bar qalalardyń turǵyndaryn daýys berýge belsendi qatysýǵa shaqyrady. Memleket basshysy saılanǵan kandıdattardyń bári ózi isiniń mamany bolatynyna jáne halyqtyń úmitin aqtaı alatynyna senim bildiredi», dep jazdy Berik Ýálı.

Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.

Ulttyq ekonomıka mınıstrligi aýyl ákimerin tikeleı saılaý qalaı ótetindigin jáne QR Prezıdenti Ákimshiligi Basshysynyń orynbasary Málik Myrzalın ákim saılaýyna túsetin kandıdattarǵa qoıylatyn talaptardyń sebebin túsindirdi.

Sondaı-aq, Memleket basshysy aýyl ákimderin saılaý máseleleri jóninde keńes ótkizdi.

Alǵashqy lekpen aýyl ákimin saılaıtyn eldi mekenderdiń tolyq tizimin myna siltemeden kórýge bolady.



Joǵary qaraı