Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Prezıdent: Aıyrbas baǵamynyń turaqtylyǵyn qamtamasyz etý – mańyzdy másele

2020 jyldyń 1 shilde 2020 15:07

NUR-SULTAN. QazAqparat – Aıyrbas baǵamynyń turaqtylyǵyn qamtamasyz etý – mańyzdy másele. Bul týraly búgin Memleket basshysy Qasym-Jomart Toqaev Ulttyq bank tóraǵasy Erbolat Dosaevtyń esebin tyńdaý barysynda málim etti, dep habarlaıdy QazAqparat.

Qazaqstan Prezıdenti óz sózinde qazirgi jaǵdaıda aqsha-nesıe saıasatyn tıimdi iske asyrýdyń mańyzdylyǵyn atap ótip, 2030 jylǵa deıingi aqsha-nesıe saıasatyn iske asyrý strategııasyn ázirleý barysynda halyqaralyq naryqtaǵy irgeli úrdisterdi eskerý qajettigin aıtty. Jańa Strategııa elimizdegi makroekonomıkalyq turaqtylyqty qamtamasyz etip, qarjy júıesiniń ornyqty damýyna tyń serpin berýi kerek.

Prezıdent aıyrbas baǵamynyń turaqtylyǵyn qamtamasyz etýdi mańyzdy másele retinde atap ótti.

«Bul máselede Úkimet pen Ulttyq bank úılesimdi jumys isteýi qajet ekenin atap aıtqym keledi. Kvazımemlekettik kompanııalardaǵy basy artyq valıýtany ishki naryqqa satý tájirıbesin jalǵastyra berý kerek. Ulttyq bank qajet bolǵan jaǵdaıda aıyrbas baǵamyn turaqtandyrý úshin qosymsha sharalar qabyldaıdy», – dedi Qasym-Jomart Toqaev.





Buǵan deıin habarlaǵanymyzdaı, Qazaqstan Prezıdentine Ulttyq bank tóraǵasy Erbolat Dosaev jáne basqarma músheleri ekinshi deńgeıdegi bankter aktıvteriniń sapasyn baǵalaý boıynsha ótken jylǵy qarjy-nesıe saıasatyna qatysty júrgizilgen jumystardyń qorytyndylary, Ulttyq banktiń altyn-valıýta rezerviniń ahýaly jáne Ulttyq qordyń aktıvteri jóninde esep berdi.





Joǵary qaraı