Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent bıznesti otandyq JOO-lardy qamqorlyqqa alýǵa úndedi

2022 jyldyń 21 qańtar 2022 14:26

NUR-SULTAN. QazAqparat - QR Prezıdenti Qasym-Jomart Toqaev bıznesti otandyq joǵary oqý oryndaryn qamqorlyqqa alýǵa shaqyrdy, dep habarlaıdy QazAqparat tilshisi.

«Óndiriske salym salý, ǵylym men bilimde sapaly jumys oryndaryn qurý mindetti túrde ózin ózi aqtaıdy. Biz de sonymen aınalysýymyz qajet», - dep atap ótti Memleket basshysy elimizdiń iri bıznes ókilderimen kezdesýi barysynda.

Osy oraıda QR Prezıdenti bıznesmenderdi otandyq joǵary oqý oryndaryn qamqorlyqqa alýǵa shaqyrdy.

«Máselen, bilikti kadrlardyń, ásirese tehnıkalyq mamandyqtar boıynsha joqtyǵyna shaǵymdanǵannyń ornyna iri bıznes kolledjderdi qamqorlyqqa alyp,, olardyń qamqorshylyq keńesine kirip, jastardy tájirıbege nege almasqa, zerthanalar men sheberhanalardy jabdyqtamasqa? Bul baǵytta jumys istep jatqan jekelegen korporatsııalardyń bar ekendigin bilemin. Degenmen, muny jappaı jolǵa qoıý kerek», dedi Qasym-Jomart Toqaev.


Joǵary qaraı