Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent BUU Bas Assambleıasy sessııasynyń jalpy debattarynda sóz sóıleıdi

2020 jyldyń 22 qyrkúıek 2020 20:53

NUR-SULTAN. QazAqparat - Memleket basshysy Qasym-Jomart Toqaev Dúnıejúzilik Uıymnyń mereıtoılyq is-sharasy aıasynda BUU Bas Assambleıasy 75-sessııasynyń Jalpy saıası debattarynda sóz sóıleıdi. Bul týraly QR Prezıdentiniń baspasóz hatshysy Berik Ýálı aıtty, dep habarlaıdy QazAqparat.

Memleket basshysy 23 qyrkúıekte Nur-Sultan ýaqyty boıynsha shamamen saǵat 19:45-ten keıin beınekonferentsııa formatynda sóz sóıleıdi dep josparlanǵan.

Prezıdent qazirgi álemdegi túıtkildi máseleler men syn-qaterlerdi, sonyń ishinde, koronavırýs pandemııasymen kúreske, jahandyq ekonomıkanyń ósimin qalpyna keltirýge, ıadrolyq qarýdan bas tartýǵa jáne taratpaýǵa, klımattyń ózgerýine qatysty problemalardy sheshýge arnalmaq.

Sonymen qatar Qasym-Jomart Toqaev halyqaralyq yntymaqtastyqty nyǵaıtý jáne ózara senim bildirýdegi BUU-nyń rólin kúsheıtýge nazar aýdarady.

Budan bólek Memleket basshysy 2030 jylǵa deıingi ornyqty damýdyń Kún tártibin júzege asyrý, «Jasyl ekonomıkany» damytý jáne Ortalyq Azııadaǵy óńirlik is-qımyldardy jandandyrý máselelerine mán beredi.

Memleket basshysy eldiń ishki saıasatyna qatysty máselelerdi de qamtıdy, sonyń ishinde, «Halyq únine qulaq asatyn memleket» tujyrymdamasynyń iske asyrylýyna da toqtalmaq.

Sondaı-aq Qazaqstan Prezıdenti birqatar halyqaralyq bastama kóteredi. Solardyń biri – búkil álemdegi volonterlerdiń eńbegin moıyndaýǵa, qurmetteýge baǵyttalǵan.

Memleket basshysynyń sóılegen sóziniń tikeleı translıatsııasyn BUU veb saıtynan nemese Facebook-tegi paraqshasynan kórýge bolady.

Eske salsaq, Qazaqstan Prezıdenti Qasym-Jomart Toqaev Birikken Ulttar Uıymy Bas Assambleıasynyń mereıtoılyq sessııasy aıasynda BUU 75 jyldyǵyna arnalǵan Joǵary deńgeıdegi kezdesýde beıneúndeý jasaǵan edi.



Joǵary qaraı