Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Densaýlyq saqtaý mınıstri Alekseı Tsoıdy qabyldady

2021 jyldyń 16 maýsym 2021 20:48

NUR-SULTAN. QazAqparat - Prezıdent Densaýlyq saqtaý mınıstri Alekseı Tsoıdy qabyldady, dep habarlaıdy Aqorda.


Qasym-Jomart Toqaevqa Qazaqstandaǵy qazirgi sanıtarlyq-epıdemıologııalyq ahýal jáne turǵyndarǵa ekpe salý barysy týraly esep berildi.

Mınıstrdiń aıtýynsha, jalpy elimizdegi ahýal turaqty, ótken aılarmen salystyrǵanda indet juqtyrǵandardyń sany eki ese qysqarǵan.

Respýblıka boıynsha ólim-jitim kórsetkishi 2 aptanyń ishinde 1,6 ese tómendegen.

Óńirlerdegi epıdemıologııalyq ahýaldyń jaqsarýyna baılanysty aýrýhanalarda em alyp jatqan naýqastardyń sany azaıǵan.

16 maýsymdaǵy jaǵdaı boıynsha Memleket basshysyna usynylǵan málimetterge sáıkes COVID-19 indetine qarsy vaktsınanyń birinshi komponenti 2 mıllıon 587 myń adamǵa, ekinshi komponenti 1 mıllıon 480 myń adamǵa salynǵan.

Kún saıyn shamamen 80-100 myń adamǵa ekpe egiledi. Óńirlerde vaktsına tapshylyǵy joq. Vaktsına kestege sáıkes jetkizilýde.

Qasym-Jomart Toqaev halyqty vaktsınalaý máselesine nazar aýdaryp, óńirler boıynsha atalǵan baǵyttaǵy jumystardy kúsheıtýdi tapsyrdy.

Prezıdent ekpe egý koronavırýs indetin eńserýdiń birden-bir joly ekenin eske salyp, halyqty Qazaqstanda qoljetimdi vaktsınalardy belsendi túrde salǵyzýǵa shaqyrdy.

Memleket basshysy dárigerlerdi qorǵaý máselesine arnaıy toqtaldy.

Onyń pikirinshe, medıtsına qyzmetkerleriniń quqyqtyq jáne áleýmettik turǵydan qorǵalýy áli de tómen deńgeıde qalyp otyr.

Osy oraıda dárigerlerdiń mártebesin aıqyndaýdyń jáne olardy yntalandyrýdyń keshendi júıesin engizý qajet.

Qasym-Jomart Toqaev Alekseı Tsoıǵa medıtsına qyzmetkerleriniń mártebesin qoldaý jónindegi zańnamalyq bastamalardy pysyqtaýdy tapsyrdy.

Joǵary qaraı