Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Eni kompanııasynyń atqarýshy dırektory Klaýdıo Deskaltsıdi qabyldady

2021 jyldyń 26 shilde 2021 18:33

NUR-SULTAN. QazAqparat - Memleket basshysy «Enı S.p.A.» kompanııasynyń atqarýshy dırektory Klaýdıo Deskaltsıdi qabyldady, dep habarlaıdy Aqorda.

Kezdesý barysynda Qashaǵan jáne Qarashyǵanaq iri munaı-gaz jobalarynyń júzege asyrylýy jónindegi jospar qarastyryldy.

Prezıdent Qasym-Jomart Toqaevqa jalǵasyp jatqan pandemııa jaǵdaıyna qaramastan, Qashaǵandaǵy qazirgi jobalardyń iske asyrylý qarqyny saqtalyp otyrǵany baıandaldy.

Klaýdıo Deskaltsıdiń aıtýynsha, munaı óndirý isin arttyrý jóninde birqatar mańyzdy ınvestıtsııalyq sheshim qabyldanǵan.

Konsortsıým Qashaǵan ken ornyn tolyqqandy ıgerýdiń tujyrymdamasyn ázirlep jatyr. Sondaı-aq gaz óńdeý qýatyn kúsheıtý jumystary jalǵasýda.

Memleket basshysy energetıkalyq baǵyttaǵy ınvestıtsııalyq jobalardy odan ári júzege asyrýǵa Qazaqstannyń basa mán beretinin aıtty.

Osy rette Prezıdent otandyq ónim úlesiniń joǵary bolýyn qamtamasyz etý qajettigine nazar aýdardy.

Budan bólek áńgime barysynda jer qoınaýyn ıgerý, geologııalyq barlaý jumystaryn júrgizý jáne jasyl energetıka salasyndaǵy jobalardy iske asyrý máseleleri talqylandy.


Joǵary qaraı