Aýa raıy
Astana 11 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Prezıdent eskertýinen keıin aǵash otyrǵyzýdy jarnamalamaıtyn boldyq – Erjan Seıtenov

2019 jyldyń 12 qarasha 2019 14:33

ALMATY. QazAqparat – QR Prezıdenti Qasym-Jomart Toqaevtyń synynan keıin megapolıste aǵash otyrǵyzý týraly jarnama jasalǵan joq. Bul týraly ákimdikte ótken baspasóz máslıhatynda Almaty qalalyq jasyl ekonomıka basqarmasynyń bastyǵy Erjan Seıtenov aıtty, dep habarlaıdy QazAqparat tilshisi.

«Syn aǵash otyrǵyzý jumysyna emes, jaýapsyzdyqqa baılanysty aıtyldy. ıAǵnı, qalyp qalǵan kóshetterdi meńzedi. Negizi biz aǵash kóshetterin tastaǵan joqpyz, bárin otyrǵyzdyq. Kóktemde taǵy da egýge bolady. Kóshetterdiń bári tiri. Jaqynda taǵy jańa aǵash kóshetterin otyrǵyzdyq. Buǵan deıin BAQ betterinde jaǵymsyz pikirler aıtylǵandyqtan biz jarnama jasamadyq», - dedi Erjan Seıtenov brıfıngte.

Onyń aıtýynsha, bıyl qalada 120 myńǵa jýyq aǵash otyrǵyzyldy.

«Atletıkalyq aýyl» yqshamaýdanynyń boıynda 2000-ǵa jýyq, Alataý teatrynyń mańynda 1100-ge jýyq, Saıaly yqshamaýdanynda 2000-ǵa jýyq aǵash otyrǵyzyldy. Saıaly-2 yqshamaýdanyna qaıyń otyrǵyzdyq. Meniń oıymsha, bul bárine unady. Ol aýdanda jer ýchaskesi jetkilikti. Biz oǵan 1000 dana qaıyń aǵashyn qostyq. Bul jumystar kóktemde jalǵasady. Jetisý aýdanyn da qamtydyq. Otyrǵyzylǵan aǵashtardyń barlyǵyna eki jylǵa kepildik berilgen»,- dedi Erjan Seıtenov

Eske salaıyq, jaqynda Almatyǵa jumys saparymen kelgen Qazaqstan Prezıdenti Almaty ákiminiń birinshi orynbasary Erlan Qojaǵapanovqa Kóktóbede kóshetter qalyp qoıǵany úshin sógis jarııalady.

Joǵary qaraı