Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent etnostardyń áleýmettik-mádenı oqshaýlanýyna qarsy sharalar ázirleýdi usyndy

2021 jyldyń 21 qazan 2021 12:56

NUR-SULTAN. QazAqparat – QR Prezıdenti Qasym-Jomart Toqaev eldegi etnostyq toptardyń áleýmettik-mádenı oqshaýlanýyna qarsy sharalar ázirleýdi usyndy, dep habarlaıdy QazAqparat tilshisi.

«Memlekettik organdar, QHA mynadaı basymdyqtarǵa nazar aýdarýy kerek: birinshisi – múmkindikter teńdigi qaǵıdattaryna negizdelgen óńirlik damý», - dedi Qasym-Jomart Toqaev QHA Keńesiniń keńeıtilgen otyrysynda.

Prezıdenttiń aıtýyna qaraǵanda, álemdegi tájirıbe etnostardyń oqshaý shoǵyrlanýy olardyń áleýmettik-mádenı oqshaýlanýyna yqpal etetinin kórsetken. Bul etnıkalyq anklavtardyń, mádenı jáne tildik kedergilerdiń paıda bolýyna, etnosaralyq shıelenistiń ósýine jáne tipti qaqtyǵystardyń týyndaýyna ákeledi.

«Sondyqtan, álemdegi osyndaı jaǵymsyz tájirıbeni eskere otyryp, elimizdiń aýyldyq eldi mekenderi men qalalarynda tuıyqtalǵan etnıkalyq aýdandar men qaýymdardyń paıda bolýynyń teris úrdisin eńserý úshin júıeli sharalar ázirleý qajet», - dedi Memleket basshysy.


Joǵary qaraı