Aýa raıy
Astana -17 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Eýrazııa Ulttyq ýnıversıtetiniń rektoryna birqatar tapsyrma berdi

2020 jyldyń 13 qazan 2020 17:27

NUR-SULTAN. QazAqparat - Prezıdent Qasym-Jomart Toqaev L.N.Gýmılev atyndaǵy Eýrazııa Ulttyq ýnıversıtetiniń rektory Erlan Sydyqovty qabyldady, dep habarlaıdy Aqorda.

Memleket basshysyna L.N.Gýmılev atyndaǵy Eýrazııa Ulttyq ýnıversıtetiniń bıylǵy jumystary jáne Oqý ornyn damytýdyń 2020-2025 jyldarǵa arnalǵan strategııasyn iske asyrý jospary týraly aqparat berildi.

Qasym-Jomart Toqaev ýnıversıtet jumysynyń qorytyndylaryna oń baǵa berip, onyń aımaqtaǵy jetekshi joǵary oqý orny retindegi halyqaralyq mártebesin nyǵaıtý qajettigine nazar aýdardy.

Sonymen qatar Memleket basshysyna ýnıversıtet janynan ashylǵan «Abaı akademııasy» týraly málimet berildi. Prezıdent shetelde Abaı Qunanbaıulynyń murasyn ulttyq brend retinde nasıhattaý jumystaryn júrgizýdiń mańyzdylyǵyn atap ótti.

Kezdesý sońynda Qasym-Jomart Toqaev Erlan Sydyqovqa Eýrazııa Ulttyq ýnıversıtetiniń bazasynda ashylatyn oqý-zerthanalyq kesheniniń qurylysy jóninde jáne basqa da birqatar tapsyrma berdi.


Basty sózder: #Abai175, Qazaqstan Prezıdenti, JOO-lar,
Joǵary qaraı