Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Indýstrııa jáne ınfraqurylymdyq damý mınıstri Beıbit Atamqulovtyń esebin tyńdady

2021 jyldyń 23 shilde 2021 18:26

NUR-SULTAN. QazAqparat - QR Prezıdenti Qasym-Jomart Toqaevqa memlekettik baǵdarlamalardyń júzege asyrylý barysy men Indýstrııa jáne ınfraqurylymdyq damý mınıstrliginiń bıylǵy jartyjyldyqtaǵy jumystarynyń negizgi baǵyttary týraly baıandaldy, dep habarlaıdy QazAqparat Memleket basshysynyń baspasóz hatshysy Berik Ýálıdiń Feısbýktegi paraqshasyna silteme jasap.

Mınıstr Beıbit Atamqulov óńdeý ónerkásibiniń damýy jóninde egjeı-tegjeıli esep berdi. Onyń aıtýynsha, jyl basynan bergi ósim kórsetkishi 5,6 paıyzǵa, sonyń ishinde, farmatsevtıka 31 paıyzǵa, mashına jasaý salasy 22 paıyzǵa, hımııa 2,8 paıyzǵa jáne metallýrgııa 0,8 paıyzǵa artqan.

Budan bólek jyl sońyna deıin qasymsha 126-dan astam joba iske qosylady. Bul jobalarǵa 1,1 trıllıon teńge kóleminde ınvestıtsııa salynǵan.
Memleket basshysyna «Nurly jol» baǵdarlamasy aıasynda jyl basynan beri uzyndyǵy 2,2 myń shaqyrym avtomobıl joldary paıdalanýǵa berilgeni jóninde baıandaldy. Tranzıttik júk tasymaly artyp keledi, sonyń ishinde, Qytaı – Eýropa – Qytaı baǵyty boıynsha bul kórsetkish 59 paıyzǵa ósken.
«Nurly jer» baǵdarlamasy boıynsha búginde 6,6 mıllıon sharshy metr turǵyn úı paıdalanýǵa berilgen. Jyl sońyna deıin bul kórsetkishti 17 mıllıon sharshy metrge deıin jetkizý josparlanyp otyr.
Áńgimelesý sońynda Qasym-Jomart Toqaev vedomstvo jumysynyń negizgi baǵyttary boıynsha tapsyrma berdi. Memleket basshysy jergilikti qatynas joldaryn damytý jáne qaıta jóndeý jumystaryn, sondaı-aq, jalǵa beriletin turǵyn úılerdiń qurylysyn mańyzdy mindetter retinde atap ótti.

Joǵary qaraı