Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent is basqarmasynyń basshylyǵy Injenerlik-tehnıkalyq ortalyq qyzmetkerlerimen kezdesti

2022 jyldyń 14 mamyr 2022 00:12

NUR-SULTAN. QazAqaparat - Prezıdenttiń Іs Basqarmasy júıesi kásiporyndarynyń ujymdarymen kezdesýler jalǵasýda, dep habarlaıdy QazAqparat.

Bul týraly vedomstvo jetekshisi Aıbek Dádebaev Telegram arnasyndaǵy paraqshasyna jazdy.

«Búgin ınjenerlik-tehnıkalyq ortalyqtyń qyzmetkerlerimen senimdi dıalog ótti. Kezdesýge kásiporynnyń 150 qyzmetkeri kelip, áleýmettik qoldaý jáne ústeme jumys úshin aqy tóleý, jumys jabdyqtaryn jańartý, arnaıy kıimmen jáne qosymsha kabınettermen qamtamasyz etý, jumys protsesterin neǵurlym tıimdi uıymdastyrý máselelerin talqyladyq», - dedi Aıbek Arqabaıuly.

Onyń málimetinshe, mundaı kezdesýlerdi turaqty jáne josparly túrde ótip tuardy.

«Árbir problemalyq suraqqa jaýap berip, qatysýshylardyń ár usynysyn zerdeleý mańyzdy dep sanaımyn. Eń jıi qoıylatyn suraqtardy biz udp-rk.kz saıtyna ornalastyramyz (Keri baılanys – Suraqtar men jaýaptar). Sondaı-aq, qosymsha suraqtardy QR kod arqyly joldaýǵa bolady», - dep atap ótken A.Dádebaev.

Aıta keteıik, Prezıdent Іs Basqarmasynyń «Injenerlik-tehnıkalyq ortalyǵy» RMK ákimshilik ǵımarattarda ornalasqan memlekettik organdar úshin aqparattyq-kommýnıkatsııalyq qyzmetterdiń operatory bolyp tabylady. Olardyń qatarynda Aqorda, Mınıstrlikter Úıi, Úkimet Úıi jáne t. b. bar.

Sonymen qatar, mekeme - Іs Basqarmasy júıesindegi kásiporyndardyń aqparattyq baǵdarlamalardy ázirleıtin, súıemeldeıtin júıelik ıntegrator.

«ITO qyzmetkerleriniń kómegimen biz óz jumysymyzǵa tsıfrlyq tehnologııalardy tabysty engizýdemiz», - dep te jazǵan arna avtory.


Basty sózder: Prezıdent, Nur-Sultan,
Joǵary qaraı