Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent: Kaspıı qubyr konsortsıýmy sheteldik ınvestorlarmen uzaqmerzimdi yntymaqtastyǵymyzdyń sımvolyna aınaldy

2021 jyldyń 16 qarasha 2021 11:30

NUR-SULTAN. QazAqparat – Kaspıı qubyr konsortsıýmy sheteldik ınvestorlarmen uzaqmerzimdi yntymaqtastyǵymyzdyń sımvolyna aınaldy. Bul jaıynda Kaspıı qubyr konsortsıýmynyń 25 jyldyǵyna arnalǵan saltanatty jıynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Kaspıı qubyr jelisi konsortsıýmynyń shırek ǵasyrlyq mereıtoıy Táýelsizdigimizdiń 30 jyldyǵymen tuspa-tus kelip otyr. Onyń mán-mańyzy zor. Konsortsıým sheteldik ınvestorlarmen uzaqmerzimdi yntymaqtastyǵymyzdyń sımvolyna aınaldy. Jobany Qazaqstan men Reseı jáne batystyq negizgi kompanııalar birlese júzege asyrdy. Sonyń arqasynda eki eldiń munaı tasymaldaý salasyndaǵy seriktestik nyǵaıa tústi», - dedi Qasym-Jomart Toqaev saltanatty jıyn barysynda.

Memleket basshysy búginde qubyr jelisi turaqty jumys istep turǵanyn atap ótti

«Buǵan osy sala qyzmetkerleri orasan zor úles qosyp otyr. Kaspıı qubyr jelisi konsortsıýmynyń ujymyna, ardagerleri jáne aktsıonerlerine shynaıy rızashylyǵymdy bildiremin. Barshańyzǵa baq-bereke, tolaǵaı tabys tileımin!», - dedi QR Prezıdenti.

Aıta keteıik, QR Prezıdenti Qasym-Jomart Toqaevtyń tóraǵalyǵymen Kaspıı qubyr konsortsıýmynyń 25 jyldyǵyna arnalǵan saltanatty jıyn ótip jatyr.



Foto: i1.wp.com


Joǵary qaraı