Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Prezıdent qazaqstandyqtardy Ulttyq dombyra kúnimen quttyqtady

2020 jyldyń 5 shilde 2020 08:11

NUR –SULTAN. QazAqparat -Memleket basshysy Qasym-Jomart Toqaev qazaqstandyqtardy Ulttyq dombyra kúnimen quttyqtady, dep habarlaıdy QazAqparat Aqordaǵa silteme jasap.

Memleket basshysy Qasym-Jomart Toqaevtyń Ulttyq dombyra kúnimen quttyqtaýy


Qurmetti otandastar!

Ardaqty aǵaıyn!

Sizderdi Ulttyq dombyra kúnimen shyn júrekten quttyqtaımyn!

Bul – Elbasynyń rýhanı jańǵyrý jolyn jáne salt-dástúrimizdiń mán-mańyzyn dáripteıtin ıgi bastama.

Qos ishekti qara dombyranyń úninde Uly dalanyń tamyry tereń tarıhy men san ǵasyrlyq shejiresi bar.

Qazaqtyń bekzat bolmysy men asyl qasıetteri qashanda ánmen árlenip, kúımen kómkerilgen.

Halqymyzdyń tól ónerin tórimizden túspegen dombyrasyz elestetý múmkin emes.

Ulttyq rýhty kúmbirlegen kúıden artyq kóteretin dúnıe kemde kem.

Halqymyzdyń kórnekti aqyny Qadyr Myrza Áli jyrlaǵandaı: «Naǵyz qazaq – qazaq emes, naǵyz qazaq – dombyra».

Biz ulttyq aspabymyzdyń búkil álem moıyndaǵan mádenı qundylyqqa aınalǵanyn maqtan etemiz.

Atadan balaǵa amanat bolǵan osyndaı asyl qazynamyzdy qadir tutý – bárimizdiń qasıetti boryshymyz.

Jyldan jylǵa dombyra tartatyn jastardyń qatary kóbeıip kele jatqany qýantady.

Qazaqtyń dástúrli án-kúıin nasıhattap júrgen barsha ónerpazdarǵa alǵys aıtamyn.

Dombyra merekesi qutty bolsyn!

Ár shańyraqtan án-kúı úzilmesin!


Basty sózder: Dombyra, Qazaqstan Prezıdenti,
Joǵary qaraı