Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Qazaqstannyń Eýrazııalyq ekonomıkalyq odaqqa tóraǵalyǵy jaıynda pikir almasty

2020 jyldyń 26 qarasha 2020 18:40

NUR-SULTAN. QazAqparat - Memleket basshysy Qasym-Jomart Toqaev Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıchpen áńgimelesti, dep habarlaıdy Aqorda.

Beıne konferentsııa formatynda ótken kezdesýde Qasym-Jomart Toqaev pen Mıhaıl Mıasnıkovıch Eýrazııalyq ekonomıkalyq odaqtyń qazirgi ahýalyn jáne ony odan ary damytý perspektıvalaryn talqylady.





Taraptar 11 jeltoqsan kúni memleketter basshylarynyń qatysýymen onlaın-formatta ótetin Joǵarǵy Eýrazııalyq ekonomıkalyq keńestiń otyrysynda qaralatyn máseleler, sondaı-aq, 2021 jyly Qazaqstan Respýblıkasynyń Eýrazııalyq ekonomıkalyq odaqqa tóraǵalyǵy jaıynda pikir almasty.





Sonymen qatar, Qasym-Jomart Toqaev pen Mıhaıl Mıasnıkovıch Eýrazııalyq ekonomıkalyq komıssııanyń jumysyndaǵy jekelegen máseleler jóninde oı bólisip, uıymnyń ıntegratsııalyq protsessterdegi róline toqtaldy.






Joǵary qaraı