Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Lıvanǵa áskerı medıtsına qyzmetkerlerin jóneltý máselesin pysyqtaýdy tapsyrdy

2020 jyldyń 7 tamyz 2020 19:14

NUR-SULTAN,. QazAqparat - Prezıdent Qasym-Jomart Toqaev Qorǵanys mınıstri Nurlan Ermekbaevty qabyldady, dep habarlaıdy QazAqparat

Qorǵanys mınıstri Memleket basshysy – Joǵarǵy Bas qolbasshyǵa qarýly kúshterdiń áskerı jáne jedel daıarlyǵy, Qazaqstan armııasyn damytý týraly esep berdi.
Bas qolbasshy Beırýt portyndaǵy jarylys saldarynan zardap shekken adamdarǵa medıtsınalyq kómek kórsetý úshin Lıvanǵa áskerı medıtsına qyzmetkerlerin jóneltý máselesin pysyqtaýdy tapsyrdy.

Eske sala ketsek, 4 tamyzda Lıvan astanasy Beırýt qalasyndaǵy portta joıqyn jarylys boldy. Jarylys saldarynan Qazaqstannyń SІM Lıvandaǵy dıplomatııalyq mıssııasy ǵımaratyna zaqym kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin keńseden ketip qalǵan. Keńsede qalǵan konsýl jarylys tolqyny saldarynan jeńil jaraqat aldy.

QR Prezıdenti Qasym-Jomart Toqaev Lıvan Prezıdenti Mıshel Aýnmen telefon arqyly sóılesip, Lıvandaǵy qazaqstandyqtardyń qaýipsizdigin qamtamasyz etý jóninde ótinish bildirgen edi.

5 tamyz kúni jarylystyń neden shyqqany anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.


Basty sózder: Qazaqstan Prezıdenti, Ásker,
Joǵary qaraı