Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent mınıstrge aýyr dertke shaldyqqan qaraǵandylyq balaǵa kómektesýdi tapsyrdy

2020 jyldyń 24 qarasha 2020 15:38

NUR-SULTAN. QazAqparat – Memleket basshysy Qasym-Jomart Toqaev Densaýlyq saqtaý mınıstri Alekseı Tsoıǵa Ańsar Nurjanov esimdi bulshyqet dıstrofııasymen syrtqattanǵan balaǵa kómektesýdi tapsyrdy, dep habarlaıdy QazAqparat.

Bul týraly mınıstr Facebook paraqshasynda jazdy.

«Memleket basshysy Qasym-Jomart Kemeluly Toqaev Ańsardyń anasynyń jarııalaǵan jazbasyna nazar aýdardy. Men Áselmen (Ańsardyń anasy) telefon arqyly sóılestim. Balany emdeýdiń boljamdy nusqalaryn talqyladyq. Qaraǵandy oblysynyń Densaýlyq saqtaý basqarmasynyń basshysy búgin Ańsarmen kezdesedi, onyń emdelýine kómektesedi», - dedi mınıstr jelidegi paraqshasynda.

Aıta ketsek buǵan deıin qaraǵandylyq jas balanyń anasy kópten kómek surap, Іnstagram paraqshasynda birneshe ret jazba jarııalaǵan edi.

Jazbalarynyń birinde ol tipti portýgalııalyq fýtbolshy Krıshtıaný Ronaldýǵa da kómek surap júgingen.

Qaraǵandylyq Ańsar Nurjanov bir kezderi densaýlyǵynda aqaý joq, on eki múshesi saý bala bolǵan. Alaıda keıin ózinen-ózi shalynyp qulaı beretin jaǵdaıǵa dýshar bolǵan. Qaýipti dert jas balanyń búkil bulshyqet jumysyna zaqym keltirgen.


Joǵary qaraı