Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent monoqalalarǵa kóshetinder úshin jeńildetilgen ıpotekalyq baǵdarlama ázirleýdi tapsyrdy

2021 jyldyń 4 qarasha 2021 13:51

EKІBASTUZ. QazAqparat – Memleket basshysy Qasym-Jomart Toqaev damý áleýeti bar monoqalalarǵa qonys aýdarýshylarǵa jeńildetilgen ıpotekalyq baǵdarlama ázirleýdi tapsyrdy, dep habarlaıdy QazAqparat tilshisi.

«Memlekettik turǵyn úı saıasaty aıasynda damý áleýeti tómen monoqalalardan qonys aýdarýshylarǵa arnalǵan jeke bólim bolýy tıis», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.

Aqordanyń Twitter-degi málimetine sáıkes, Prezıdent damý áleýeti bar monoqalalarǵa qonys aýdarýshylarǵa jeńildetilgen ıpotekalyq baǵdarlama bolýy kerektigin aıtty.

«Otbasy» banki ınstrýmentarııinde mundaı azamattarǵa bastapqy jarnasy 10 paıyz jáne syıaqy mólsherlemesi 2-den 5 paıyzǵa deıin bolatyn jeńildetilgen ıpoteka baǵdaramasyn qarastyrýy qajet. Úkimetke ákimdiktermen birge bul bastamany jan-jaqty pysyqtaý kerek», - dedi Memleket basshysy.

Buǵan deıin habarlaǵanymyzdaı, búgin Qasym-Jomart Toqaev jumys saparymen Pavlodar oblysynyń Ekibastuz qalasyna keldi. Memleket basshysy jumys sapary barysynda monoqalalardy damytý jóninde keńes ótkizip, Prezıdenttik jastar kadr rezerviniń ókilderimen kezdesedi. Sonymen qatar qaladaǵy ındýstrıaldy kásiporyndarǵa barady dep josparlanǵan.
Joǵary qaraı