Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent normatıvtik aktilerdi shyǵarý qyzmetiniń sapasyn arttyrýdy tapsyrdy

2020 jyldyń 26 qazan 2020 18:51

NUR-SULTAN. QazAqparat – QR Prezıdenti Qasym-Jomart Toqaev Ádilet mınıstri Marat Beketaevty qabyldady, dep habarlaıdy QazAqparat Aqordanyń baspasóz qyzmetine silteme jasap.

Qasym-Jomart Toqaevqa mınıstrliktiń bıylǵy 9 aı ishinde atqarǵan jumystarynyń nátıjeleri jóninde esep berildi.

Ádilet mınıstri Memleket basshysyna koronavırýs pandemııasymen kúres jumystarynyń júrgizilýi, sonyń ishinde, birqatar zań jobalarynyń ázirlený barysy, olardyń quqyqtyq saraptamasy men Parlamentte qaralýy týraly baıandady.

Marat Beketaev Prezıdentke bıylǵy naýryz-mamyr aılarynda engizilgen tótenshe jaǵdaı rejımine baılanysty quqyqtyq máselelerdi túsindirý jumystary jaıynda aıtty. Osy rette, advokattar men zań jóninde keńes berýshilerdiń úzdiksiz qyzmeti qamtamasyz etilgen, sot oryndaýshylarynyń jumysy ýaqytsha toqtatylǵan. Tótenshe jaǵdaı rejımi aıaqtalǵannan keıin barlyq sot oryndaýshylarynyń jumysy azamattardyń quqyǵyn qorǵaýǵa, atap aıtqanda, alımentterdi óndirýge jáne eńbekaqy tólemin qamtamasyz etýge baǵyttaldy.

Sonymen qatar Qasym-Jomart Toqaevqa sot saraptamasy organdarynyń jumysyn jetildirý jóninde málimet berildi.

Kezdesý sońynda Memleket basshysy mınıstrge azamattardyń quqyqtaryn qorǵaýǵa, normatıvtik aktilerdi shyǵarý qyzmetiniń sapasyn arttyrýǵa, jańa zańdardy jáne basqa da normatıvtik-quqyqtyq aktilerdi daıyndaý jónindegi memlekettik organdardyń jumysyn úılestirýge qatysty birqatar tapsyrma berdi.

Joǵary qaraı