Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent «Nur-Sultan – Almaty» avtojolyn 2023 jyly paıdalanýǵa berýdi tapsyrdy

2021 jyldyń 22 sáýir 2021 14:07

NUR-SULTAN. QazAqparat – Úkimet pen oblys ákimdikteri 2025 jylǵa deıin jergilikti jerlerdegi joldardyń 95 paıyzyn jóndep, retke keltirýge tıis. Bul týraly Atyraý oblysynyń áleýmettik-ekonomıkalyq damý máseleleri jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy da qaıtalap aıtamyn: Úkimet pen oblys ákimdikteri 2025 jylǵa deıin jergilikti jerlerdegi joldardyń 95 paıyzyn jóndep, retke keltirýge tıis. 2019 jyldan bastap búkil elimiz boıynsha osy maqsatqa jyl saıyn respýblıkalyq bıýdjetten 50 mıllıard teńge bólinýde. Jol qurylysyna jáne ony jóndeýge jergilikti bıýdjetten de qarjy jumsalady. Nátıje joq dep aıtýǵa bolady. Jóndelgen joldyń kóbi bir jyl ótpeı jaramsyz bolyp qalady. Muny ashyq aıtý kerek. Merdigerler ózderiniń kepildi mindettemelerin qalaı oryndap jatyr? Jalpy, osy jumysqa uzaq jyldar boıy tek belgili bir merdigerler ǵana qatysady. Bul suraqqa Úkimet jaýap berýi kerek», - dedi QR Prezıdenti.

Qasym-Jomart Toqaev memlekettiń tapsyrysyn oryndaımyn dep kelgen kez kelgen merdigerdiń basty mindeti – sapaly jumys bolýy kerektigin atap ótti. Sondyqtan, olarǵa qoıylatyn talap ta qatań bolýǵa tıistigin basa aıtty.

«Al, jalpy elimizdegi joldardyń jaı-kúıine kelsek, «Nur-Sultan – Almaty» avtojolyn jóndeý jumystary áli kúnge deıin aıaqtalmaǵan. Bul jol elordamyzdy 8 mıllıonnan astam turǵyny bar ońtústik óńirlermen baılanystyrady. Jumys qarqynyn kúsheıtip, osy joldy 2023 jyly paıdalanýǵa berýdi tapsyramyn. Shyn máninde, jol salý jáne ony jóndeý jumystary sapasyz atqarylyp jatqanyn moıyndaǵan jón», - dedi Memleket basshysy.


Joǵary qaraı