Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent Petropavldaǵy kolledjdi mereıtoıymen quttyqtady

2020 jyldyń 27 qarasha 2020 00:15

PETROPAVL. QazAqparat – Petropavldaǵy Maǵjan Jumabaev atyndaǵy joǵary kolledjiniń qurylǵanyna 100 jyl toldy.

Tarıhy baı oqý ornyn mereıtoıymen Prezıdent Qasym-Jomart Toqaev quttyqtap, arnaıy hat joldady, dep habarlaıdy QazAqparat tilshisi.

Maǵjan Jumabaev atyndaǵy joǵary kolledjdiń mereıtoıyna arnalǵan Memleket basshysy Qasym-Jomart Toqaevtyń quttyqtaý hatyn ujymǵa Soltústik Qazaqstan oblysynyń ákimi Qumar Aqsaqalov oqyp berdi.

«Qadirli ustazdar! Qurmetti kolledj ujymy!

Sizderdi Maǵjan Jumabaev atyndaǵy joǵary kolledjdiń 100 jyldyq mereıtoıymen quttyqtaımyn!

Bul – egemen elimizdiń bilim salasyndaǵy aıtýly oqıǵa. Tarıhy men taǵylymy mol oqý orny ustazdarynyń óskeleń urpaqty tárbıeleýge sińirgen eńbegi orasan zor. Kolledjdiń bilim ordasy ǵana emes, sondaı-aq mádenı jáne rýhanı ortalyq retinde qalyptasqany barshaǵa belgili. Munda ult maqtanyshyna aınalǵan tanymal tulǵalar eńbek etip, alǵashqylardyń biri bolyp ádebıet jáne óner salasyndaǵy úıirmelerdiń ashylýy – sonyń aıqyn dáleli.

Búginde kolledj ujymy zaman talabyna saı bilikti ári básekege qabiletti mamandar daıyndaý isine eleýli úles qosýda. Osyndaı mártebeli mıssııany abyroımen atqaryp kele jatqandaryńyz úshin ózderińizge shynaıy rızashylyǵymdy bildiremin.

Sizderge myqty densaýlyq, baq-bereke jáne tolaǵaı tabys tileımin! Eńbekterińiz jemisti bolsyn!»,-delingen Memleket basshysynyń qutyqtaýynda.

Kolledjge qazaqtyń uly aqyny Maǵjan Jumabaevtyń esimi berilgen. Bilim ordasynda Maǵjan ustazdyq qyzmet atqardy. Kolledj shákirtteri muny maqtan etedi. Sondaı-aq Sábıt Muqanovtyń bastamasymen elimizdegi alǵashqy ádebı úıirme de osy kolledjde ashylǵan.

«Búginde kolledj elimizdegi úzdik oqý oryndarynyń qatarynda. 100 jylda bilikti ustazdar 30 myńnan asa mamandy daıarlap shyǵardy. Qazir kolledj túlekteri eńbek naryǵynda úlken suranysqa ıe. Aıta ketý kerek, qazir oblystaǵy kolledjder men ýnıversıtet túlekteriniń 80 % jumysqa ornalasqan.

Maǵjan kolledji bıyl zamanaýı jabdyqtarmen qamtamasyz etildi. Oqý protsesinde úzdik tehnologııalar qoldanylyp jatyr. Talaptarǵa saı «ІT-ortalyǵy» ashyldy.

Jalpy, oblys boıynsha bıyl 4 kolledj 1,2 mlrd teńgege joǵary tehnologııalyq jabdyqtar satyp aldy. Kelesi jyly 5 kolledjge taǵy 1,5 mlrd teńge jumsalady. Osylaısha, eki jyldyń ishinde oblystaǵy kolledjderdiń 40 % jańarady», - dedi óńir basshysy Qumar Aqsaqalov.


Joǵary qaraı