Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Almatyda segiz mektep salynyp jatyr

2021 jyldyń 23 qyrkúıek 2021 20:00

ALMATY. QazAqparat - Almaty qalasynyń ákimi Baqytjan Saǵyntaevtyń tóraǵalyǵymen ótken jumys keńesinde Memleket basshysynyń mektepter salý týraly tapsyrmasyn oryndaý barysy qaraldy, dep habarlaıdy QazAqparat tilshisi.

Almatyda 12 600 oqýshyǵa arnalǵan 8 mekteptiń qurylysy júrip jatyr. Onyń beseýi oryn tapshylyǵy eń joǵary Alataý aýdanynda salynýda. Atap aıtar bolsaq, «Saıaly» shaǵyn aýdanynda – 1 800 oryndy, «Darhan» shaǵyn aýdanynda – 1 500 oryndy, «Mádenıet» shaǵyn aýdanynda – 1 500 oryndy, «Tomırıs» shaǵyn aýdanynda – 1 500 oryndy, «Nurkent» shaǵyn aýdanynda – 1 500 oryndy.

Naýryzbaı aýdanynyń «Qalqaman» yqshamýdanynda – 1 500 oryndy, «Qalqaman-2» – 1 800 oryndy.

Túrksib aýdanynyń «Qaırat» shaǵyn aýdanynda -1 500 oryndy.

«Qalqaman-2», «Tomırıs» jáne «Saıaly» shaǵyn aýdandaryndaǵy úsh mektepti osy jyldyń sońyna deıin paıdalanýǵa berý josparda.

Sondaı-aq, №81, 40, 45, 54 mektepte seısmıkalyq tózimdilik jumystary júrgizilýde.

Sonymen qatar 18 jańa korpýstyń qurylysy júrip jatyr. Onyń ishinde 9 mektep janyndaǵy jańa korpýstardyń qurylysy aıaqtaldy.

№57, 102, 132, 117, 186 mekteptegi qosymsha 5 korpýs qazan aıynda paıdalanýǵa beriledi. Al №34, 177, 191, 43 mekteptin qosymsha ǵımaratyn qarasha aıynda qoldanysqa berý josparda.

Baqytjan Saǵyntaevtyń tapsyrmasy boıynsha damý josparyn ázirleý kezinde «aldymen mektep, sodan keıin úı» qaǵıdasyn ustaný qajet.

Basty maqsat – qoldanystaǵy mektepterdi shamadan tys júktemeý jáne jańa sharshy metr turǵyn úılermen birge bilim berý nysandaryn tapsyrý.



Joǵary qaraı