Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Balalar sportpen jáne shyǵarmashylyqpen tegin aınalysady

2021 jyldyń 5 mamyr 2021 12:37

NUR-SULTAN. QazAqparat – QR Prezıdentiniń baspasóz hatshysy Berik Ýálı Facebook paraqshasynda Memleket basshysynyń ótken jylǵy Joldaýynda bergen tapsyrmalarynyń biri tolyq oryndalǵanyn jazdy, dep habarlaıdy QazAqparat tilshisi.

Memleket basshysy Qasym-Jomart Toqaev ótken jyly jarııa etken «Jańa jaǵdaıdaǵy Qazaqstan: Іs-qımyl kezeńi» atty Joldaýynda: «Balalar úıirmesi» qyzmetin qaıta qalpyna keltirgen jón. Onda jastarymyz qolónerdiń jáne shyǵarmashylyqtyń bastapqy negizderimen tanysar edi», - dep atap ótken bolatyn.

Al Prezıdent baspasóz hatshysy memlekettik shyǵarmashylyq jáne sporttyq tapsyrysty iske asyrý arqyly balalar men jasóspirimderdiń shyǵarmashylyq jáne sporttyq áleýetin arttyrý úshin memlekettik qogldaýdyń jańa ınstıtýty engizilgendigin jazdy.

Onyń aıasynda 2021 jyldyń 1 mamyrynan bastap memlekettik shyǵarmashylyq jáne sporttyq tapsyrys júzege asyrylady. Ol úshin bıyl jergilikti atqarýshy organdar tarapynan memlekettik shyǵarmashylyq tapsyrysty iske asyrýǵa 2,4 mlrd teńge, sporttyq tapsyrysty iske asyrýǵa 3,7 mlrd teńge bólý kózdelgen.

2021 jyly respýblıka boıynsha jan basyna shaqqanda 23,5 myń shyǵarmashylyq úıirme jáne 1 029 sport sektsııasy qarjylandyrylady. Onda shamamen 43,3 myń bala sportpen jáne shyǵarmashylyqpen (shyǵarmashylyq úıirmelerde - 23,5 myń bala, sport sektsııalarynda – 21 548 bala) tegin aınalysatyn bolady.





Joǵary qaraı