Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdent tapsyrmasy: Beıbit sherýge shyqqan, eshbir qylmysqa qatysy joq 1083 adam bosatyldy

2022 jyldyń 22 qańtar 2022 17:53

NUR-SULTAN. QazAqparat – Alańdaǵy beıbit sherýge qatysyp, ustalyp, biraq eshqandaı aıyby joq 1083 adam bosatyldy. Bul týraly QR Bas prokýratýrasy birinshi qyzmet basshysynyń orynbasary Eldos Qılymjanov málim etti, dep habarlaıdy QazAqparat tilshisi.

«Prezıdenttiń aýyrlatatyn mán-jaı bolmaǵanda jazany jeńildetý týraly tapsyrmasyna sáıkes biraz jumys atqaryldy. Jalpy sotta Qańtar oqıǵasyna qatysty 9213 ákimshilik is qaraldy. Sot sheshimine sáıkes shyn ókingen jáne mán-jaıdyń jeńildigin eskere otyryp 4561 tulǵaǵa eskertý jasaldy. Sonymen qatar prokýrorlardyń ótinish-hatynyń negizinde 1083 adam qamaýdan bosatylyp, 490 aıyppul jazasy eskertýge aýystyryldy. Odan bólek 386 ákimshilik is quqyqbuzýshylyq quramnyń bolmaýyna baılanysty toqtatyldy», - dedi Eldos Qılymjanov OKQ-de ótken baspasóz máslıhatynda.

Prokýratýra ókiliniń aıtýynsha, jappaı ereýilge qatysty ár is jiti qaralyp jatyr.

«Qazirgi ýaqytta 362 adam ákimshilik qamaýǵa alynyp, 1245 tulǵaǵa aıyppul salyndy. Sol sııaqty prokýrorlardyń ákimshilik jazany jeńildetý týraly 298 ótinish-haty sotta qaralýda. Osyǵan uqsas jumystardy, onsha aýyr emes jáne aýyrlyǵy ortasha qylmystyq ister boıynsha júrgizemiz», - deıdi ol.

Eske sala ketsek, Memleket basshysy Qasym-Jomart Toqaev mıtıngte ustalǵandar jaıly: Jaýapkershilikti aýyrlatatyn mán-jaı bolmasa jazany jeńildetken jón degen edi.

Odan bólek, Prezıdenttiń baspasóz hatshysy Berik Ýálı beıbit demonstratsııaǵa qatysýshylar qylmystyq jaýapkershilikke tartylmaýy kerektigin aıtty.


Joǵary qaraı