Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Elordada úsh býyndy sot júıesi qalaı jumys isteýde

2021 jyldyń 14 qazan 2021 14:04

NUR-SULTAN. QazAqparat – Nur-Sultan qalasynda úsh býyndy sot júıesin engizý men ony iske asyrýdyń barysy týraly qalalyq Polıtsııa departamenti Tergeý basqarmasynyń basshysy Ǵumar Shynybekov aıtyp berdi, dep habarlaıdy QazAqparat tilshisi.

«Biz sot salasyndaǵy úsh býyndy júıege 2018 jyly kóshtik. Qazirgi tańda prokýratýra jáne sotpen tikeleı baılanysta jumys istep kelemiz. Buryn qylmystyq isti qozǵaý úshin málimetterdi jınap, ony Prokýratýraǵa alyp baryp, alyp kelip júretinbiz. Protsess uzaq ýaqyt alatyn, qazir bári elektrondy túrde jasalady. ıAǵnı qylmystyq iske qatysty derekti Prokýratýraǵa elektrondy túrde jiberemiz, ol jaqtan 3 jáne 10 kúnniń ishinde isti toqtatý nemese qozǵaý kerek degen sheshim kelip túsedi», - dedi Ǵumar Shynybekov elordanyń Polıtsııa departamentinde ótken baspasóz máslıhatynda.

Spıkerdiń aıtýynsha, úsh býyndy sot júıesinde ár organnyń óz mindeti bar jáne ony ýaqytyly oryndaý zańmen belgilengen.

«Taǵy da burynǵymen salystyrýǵa týra keledi. Buryn qylmystyq is sotta qaralýy úshin aılap ýaqyt ketetin. Ár istiń ózindik ereksheligi men sebebi bar. Al úsh býyndy sot júıesinde polıtsııa, prokýratýra jáne sottyń mindeti men isti qaraý merzimi naqty kórsetilgen. Statıstıkaǵa súıensek, bıyl elordada 19 myńnan astam qylmystyq is úsh jaqty qaralyp, onyń 8 myńy prokýratýranyń sheshimine sáıkes toqtatyldy. Sondaı-aq, 5 myń qylmystyq isti qaraý merzimi ózgertilip, 3800 aıyptalýshynyń kinási rastaldy», - deıdi ol.

Odan bólek, basqarma basshysy úsh býyndy sot júıesimen jumys isteýde sala mamandarynyń biliktiligin kóterý máselesine toqtaldy.

«Tergeý bólimsheleri qyzmetkerleriniń kásibı deńgeıin joǵarylatý maqsatynda zańnamadaǵy ózgeristerdi qosymsha zerdeleý men talqylaý boıynsha sabaqtar, kýrstar men semınarlar únemi ótkizilip turady. Sondaı-aq, vedomstvolyq joǵary oqý oryndarynda biliktilikti arttyrý kýrstary da qarastyrylǵan. Odan bólek, tergeý bóliminde jumys isteýge nıettiler Qaraǵandy akademııasynyń bazasynda 6 aılyq bastapqy daıyndyq kýrsynan ótý múmkindigi bar. Bizdiń maqsat – qylmystyq protseske qatysýshylardyń quqyqtary men bostandyqtaryn qorǵap, azamattardyń quqyq qorǵaý organdaryna degen senim deńgeıin arttyrý», - dedi Ǵ. Shynybekov.

Eske sala ketsek, bıyl jyl basynda Prezıdent sot júıesin jańǵyrtý máseleleri jóninde arnaıy keńes ótkizdi.

Qasym-Jomart Toqaev óz sózinde sot júıesindegi júrgizilip jatqan reformalar atalǵan salaǵa jańadan bilikti mamandardy jumyldyrýǵa, ádil sot tóreligin ornyqtyrýǵa tıis ekenin atap ótti.


Joǵary qaraı