Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy:Soltústik Qazaqstan oblysyndaǵy eki aýdan ákimi qyzmetinen ketti

2021 jyldyń 15 maýsym 2021 12:35

NUR-SULTAN. QazAqparat – Qazaqstannyń Soltústik óńirlerine kóship kelýshilerge arnap salynǵan, úılerdiń sapasynyń nasharlyǵyna baılanysty Soltústik Qazaqstan oblysynyń Aıyrtaý jáne Esil aýdandarynyń ákimderi qyzmetinen bosatyldy, dep habarlaıdy QazAqparat.

Bul týraly óziniń Facebook paraqshasynda QR Prezıdentiniń baspasóz hatshysy Berik Ýálı jazdy.

«Memleket basshysy bıylǵy 24 mamyrda «Kazahstanskaıa pravda» gazetinde jarııalanǵan «Zalojnıkı ravnodýshııa» atty maqalada kóterilgen másele boıynsha tekserý jumystaryn júrgizýge tapsyrma bergen edi. Maqalada Soltústik Qazaqstan oblysyna ońtústik óńirlerden kóship kelýshilerge arnap salynǵan turǵyn úı sapasynyń nasharlyǵy týraly sóz bolǵan.

Júrgizilgen tekserýlerdiń qorytyndysy boıynsha maqalada keltirilgen derekter rastaldy.

Úkimet pen oblys ákimdigi anyqtalǵan kemshilikterdi joıý jumystarymen aınalysýda.

Atalǵan baǵyttaǵy uıymdastyrý jumystarynda olqylyqtarǵa jol bergeni úshin Soltústik Qazaqstan oblysy Aıyrtaý jáne Esil aýdandarynyń ákimderi qyzmetterinen bosatyldy.

Oblys ákiminiń orynbasary, jumyspen qamtý jáne áleýmettik baǵdarlamalardy úılestirý jónindegi oblystyq basqarmanyń basshysy, sondaı-aq, bes aýdannyń ákimderi tártiptik jaýapqa tartyldy»,-delingen habarlamada.


Joǵary qaraı