Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent tapsyrmasy: Jambyl oblysynda basqarma basshysy qyzmetinen bosatyldy

2021 jyldyń 3 tamyz 2021 16:00

TARAZ. QazAqparat – QR Prezıdenti Qasym-Jomart Toqaevtyń tapsyrmasyna saı Jambyl oblysynda basqarma basshysy Qaırat Dosaev qyzmetinen bosatyldy, dep habarlaıdy QazAqparat tilshisi.

2021 jylǵy 3 tamyzda Jambyl oblysy ákiminiń ókimimen Qaırat Dosaev Tabıǵı resýrstar jáne tabıǵat paıdalanýdy retteý basqarmasynyń basshysy qyzmetinen bosatyldy.

Óńir ákimdiginiń baspasóz qyzmetinen málim etkendeı, Q. Dosaev 2019 jyldyń 20 jeltoqsanynda Jambyl oblysy ákiminiń ókimimen Jambyl oblysy ákimdiginiń eńbek ınspektsııasy basqarmasynyń basshysy – bas memlekettik eńbek ınspektory qyzmetine taǵaıyndalǵan bolatyn.

Al 2021 jyldyń 30 shildesinde Q. Dosaev 2019 jyldyń 20 jeltoqsanynan bastap atqaryp otyrǵan Jambyl oblysy ákimdiginiń eńbek ınspektsııasy basqarmasynyń basshysy – bas memlekettik eńbek ınspektory qyzmetinen bosatyla otyryp, Jambyl oblysy ákimdiginiń Tabıǵı resýrstar jáne tabıǵat paıdalanýdy retteý basqarmasynyń basshysy bolyp teń dárejeli laýazymyna taǵaıyndaldy.

Búgin QR Prezıdenti Qasym-Jomart Toqaev 2019 jyly jumysynda edáýir olqylyqtarǵa jol berip, qyzmetinen bosatylǵan Qaırat Dosaevty basqarma basshysy etip taǵaıyndaǵany úshin Jambyl oblysynyń ákimi Berdibek Saparbaevqa sógis jarııalap, kadrlyq qatelikti túzeýdi tapsyrdy.


Joǵary qaraı