Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdent: Jańa zań beıbit jıyndar ótkizýge konstıtýtsııalyq quqyqty tolyq qamtamasyz etedi

2020 jyldyń 27 mamyr 2020 12:15

NUR-SULTAN. QazAqparat - Beıbit jınalystar týraly jańa zań azamattardyń beıbit jıyndar ótkizýge Konstıtýtsııalyq quqyǵyn tolyq qamtamasyz etedi. Bul týraly Ulttyq qoǵamdyq senim keńesiniń 3-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Búgingi otyrysqa deıin atqarylǵan jumystyń naqty nátıjesi bar. Birer kún buryn men Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» jańa Zańǵa qol qoıdym. Bul qujattyń basty ereksheligi - budan bulaı beıbit jınalys ótkizý úshin ruqsat alý qajet emes. Ony aldyn ala eskertip, ótkizýge bolady», - dedi Memleket basshysy.
QR Prezıdenti osy Zań qoǵamdyq-saıası qatynastardy demokratııalyq jolmen odan ary damytýǵa zor úles qosady dep oılaıtyndyǵyn basa aıtty.
«Depýtattarǵa zań jobasyn egjeı-tegjeıli qarastyrǵany úshin alǵys aıtamyn. Birlese atqarylǵan jumystyń mán-mańyzy zor. Jańa zań - azamattardyń beıbit jıyndar ótkizýge Konstıtýtsııalyq quqyǵyn tolyq qamtamasyz etedi», - dedi Qasym-Jomart Toqaev.

Aıta keteıik, QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr. Kezekti otyrys adamı kapıtaldy damytýǵa, atap aıtqanda, bilim berý, densaýlyq saqtaý máselelerine arnalǵan.


Joǵary qaraı