Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdentke «Samuryq-Qazynanyń» pandemııamen kúres kezindegi qyzmeti jaıynda baıandaldy

2020 jyldyń 7 tamyz 2020 18:11

NUR-SULTAN. QazAqparat - Qazaqstan Prezıdenti «Samuryq-Qazyna» ulttyq ál-aýqat qory» AQ basqarma tóraǵasy Ahmetjan Esimovti qabyldady, dep habarlaıdy QazAqparat Aqordaǵa silteme jasap.

Kezdesý barysynda Memleket basshysyna «Samuryq-Qazyna» ulttyq ál-aýqat qorynyń» pandemııamen kúres kezindegi qyzmeti jaıynda baıandaldy.

Ahmetjan Esimov Qasym-Jomart Toqaevqa qordyń bıylǵy naýryz aıynda dárigerlerge, polıtsııa jáne áleýmettik sala qyzmetkerleri úshin 6 mıllıon betperde alýǵa qarjy bólgenin aıtty.

«Samuryq-Qazyna» qorynyń basqarma tóraǵasy Prezıdentke kompanııanyń Densaýlyq saqtaý mınıstrligimen birlese atqarǵan jumystary týraly málimet berdi. Birlesken is-árekettiń nátıjesinde qor qarjysyna 100 jedel-járdem kóligi, 1000 ottegi kontsentratory, 50 ókpeni jasandy jeldetý apparaty, 1000 ıpýlstik oksımetr jáne 3000 vırýsqa qarsy «Avıfarır» dárisi satyp alynǵan.

Ahmetjan Esimov Memleket basshysyna Elbasy Nursultan Nazarbaevtyń tapsyrmasyna sáıkes qordyń Nur-Sultan jáne Almaty qalalarynda salynatyn juqpaly aýrýlardyń aldyn alý jáne baqylaý boıynsha emhanalardyń qurylysyna qarjy bólinetinin jetkizdi.

Qor tóraǵasy Prezıdentke Reseımen birlesip qolǵa alynǵan koronavırýsqa qarsy vaktsına óndirý jospary jaıynda aıtty.

Kezdesýde «Samuryq-Qazyna» qoryna qarasty kompanııalardyń qazirgi jaǵdaıy da talqylandy. Ahmetjan Esimov bıyl Úkimetke 120 mıllıard teńge kóleminde dıvıdend tólenetinin, munyń 2017 jylmen salystyrǵanda on ese kóp ekenin aıtty. Buǵan deıin «Samuryq-Qazyna» Ulttyq qorǵa 50 mıllıard teńge qarjyny merziminen buryn aýdarǵan bolatyn.





Joǵary qaraı