Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik kadr rezervi: 30 qyrkúıekte tirkeý aıaqtalady

2021 jyldyń 14 qyrkúıek 2021 18:41

NUR-SULTAN. QazAqparat – 30 qyrkúıekte Prezıdenttik jastar kadr rezervine qatysýshylardy tirkeý aıaqtalady, dep habarlaıdy QazAqparat tilshisi.

Bul týraly QR Memlekettik qyzmet isteri agenttiginiń baspasóz qyzmeti málimet taratty.

«Qujattardy qabyldaý 1 qyrkúıekte onlaın rejımde pkrezerv.gov.kz platformasynda bastalǵan bolatyn. Memleket basshysynyń tapsyrmasy boıynsha, bıyl Prezıdenttik Jastar kadrlyq rezervine 50 jas maman irikteledi. Mundaǵy maqsat – jaýapkershilikti óz moınyna alýǵa daıyn jáne qıynnan qıystyryp, tıimdi sheshim qabyldaýdan qoryqpaıtyn, eń bastysy, qoǵam múddesin basshylyqqa alatyn jas talanttardy anyqtap, memlekettik qyzmetke tartý», - dep jazady agenttiktiń baspasóz qyzmeti.

Aıta ketý kerek, konkýrsqa 35 jastan aspaǵan, joǵary bilimi, keminde bes jyl jumys ótili bar, memlekettik tildi keminde orta deńgeıde meńgergen Qazaqstan azamattary qatysa alady.

Resmı organ málimeti boıynsha, búginde rezervke múshelike ótkisi keletin 329 áıel men 662 er adamnan 991 ótinim kelip túsken. Ázirge nıet bildirýshilerdiń sany boıynsha Nur-Sultan jastary alda tur – 198 adam. Ekinshi orynda 166 úmitkermen Almaty oblysy tursa, aldyńǵy úshtikti 129 ótinish joldaǵan Qostanaı oblysy túıindegen.

Joǵary qaraı