Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik kadr rezervi: Almatyda 45 adam ótinish berdi

2021 jyldyń 10 qyrkúıek 2021 16:03

ALMATY. QazAqparat - Qazaqstanda 1 qyrkúıekte Prezıdent janyndaǵy jastar kadrlyq rezervine ekinshi irikteý bastaldy. Memlekettik sektor rezervi qataryna 50 adam qabyldaý josparlanǵan, dep habarlaıdy QazAqparat tilshisi.

Onlaın brıfıng barysynda Almaty qalasy boıynsha memlekettik qyzmet isteri basqarmasy basshysynyń orynbasary Shynaraı Álimhan kandıdattardyń qandaı talaptarǵa saı bolýy kerek ekenin aıtty.

Onyń sózinshe, Prezıdenttik kadr rezervine úmitker Qazaqstan Respýblıkasynyń azamaty bolýy kerek.

«Baıqaýǵa jasy 35-ten aspaǵan, joǵary bilimdi men jumys ótili 5 jyldan kem emes azamattar jiberiledi. Qazirgi irikteýdegi jańashyldyq – úmitkerler memlekettik tildi meńgerý deńgeıin rastaýy qajet. Ol ulttyq standartqaa sáıkes ortasha deńgeıden (V1) tómen bolmaýy tıis», - dedi departament ókili.

Sonymen qatar, ol kandıdattardyń memlekettik tilde mátin qurýy, óz pikirin dáleldi túrde jetkizýi jáne qarapaıym dıalog júrgize alýy kerektigin túsindirdi.

«Aldyńǵy irikteýden aıyrmashylyǵy, kadrlardy irikteý protsesi tek qajetti bilimdi, daǵdy men qabiletti ǵana emes, sonymen qatar úmitkerlerdiń shynaıy motıvatsııasy men olardyń nıetin baǵalaıdy.

Memlekettik sektor úshin eń aldymen qoǵamdyq múddeni basshylyqqa alatyn jas talanttardy tabý mańyzdy.Sondyqtan barlyq úmitker irikteý kezinde sıtýatsııalyq tapsyrma men minez-qulyq boıynsha suhbat beredi», - dedi Shynaraı Əlimhan.

Qazaqstan Respýblıkasynyń Prezıdenti taǵaıyndaǵan adamdar, saıası qyzmetshiler, «A» korpýsynyń memlekettik ákimshilik qyzmetshileri, Prezıdenttik jastar kadr rezervinde turǵan adamdar irikteýge qatysa almaıdy.

Іrikteýden ótkender «A» korpýsynyń saıası ákimshilik laýazymdaryna jáne jetekshi - «B» korpýsyna taǵaıyndalady. Rezervte bolý merzimi – 3 jyl. Bul rette Memlekettik qyzmet isteri departamentiniń ókili Prezıdenttik rezervke tirkelý rezervte bolý kezeńinde laýazymdarǵa mindetti túrde taǵaıyndalý shart emes ekenin jetkizdi. Taǵaıyndaý rezervtegi adamdardyń jáne qoldanystaǵy zańnamaǵa sáıkes basqa adamdardyń arasynan da júrgizilýi múmkin. Almaty qalasy boıynsha Memlekettik qyzmet isteri basqarmasy bastyǵynyń orynbasary Shynaraı Əlimhan yqtımal rezervshilerge daıyndalǵan irikteý kezeńderi týraly aıtyp berdi.

«Alǵashqy kezeńde qujattar mamandandyrylǵan onlaın platformada bir aı ishinde qabyldanady. Ekinshi kezeńde mátin jáne tsıfrly aqparatpen jumys isteý qabileti baǵalanady. Al úshinshi kezeńde sıtýatsııa tapsyrmalary beriledi», - dedi spıker.

Bolashaqtaǵy, tórtinshi kezeńde quzyrettilik eki bloktan baǵalanady: baǵalaý ortalyǵy jáne quzyrettilik boıynsha suhbat. Besinshi kezeńde úmitkerler saraptamalyq komıssııadan suhbattan ótedi. Prezıdent Ákimshiliginiń janynan qurylǵan komıssııa aldyńǵy irikteý kezeńderinen sátti ótken árbir úmitkermen jeke suhbat júrgizedi.

«Suhbattasý nátıjesi boıynsha saraptamalyq komıssııa rezervke jazylýǵa usynylǵan kandıdattardyń tizimin jasaıdy, ol Ulttyq komıssııanyń qaraýyna jiberiledi. Іrikteýdiń sońǵy kezeńinde úmitkerlerdi kadrlyq rezerv jónindegi Ulttyq komıssııa qaraıdy», - dedi ol.

Aıta keterligi, irikteýdiń bastalǵanyna 9 kún ótti, al búgingi kúngi málmet boıynsha Almaty qalasynda 45 úmitker tirkeldi, al respýblıka boıynsha úmitkerler sany - 281.


Joǵary qaraı