Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik jastar kadr rezervi: Úmitkerler qandaı synnan ótedi

2021 jyldyń 16 tamyz 2021 15:14

NUR-SULTAN. QazAqparat – Jýyrda elimizde Prezıdenttik jastar kadr reverine jańa úmitkerlerdi irikteý kezeńi bastalady. Osy oraıda ekinshi kezeń úmitkerlerine qandaı talaptar qoıylady, olar qandaı synnan ótip, tapsyrmalar neshe kezeńnen turady? Bul suraqtarǵa QR Prezıdenti janyndaǵy Memlekettik basqarý akademııasynyń rektory Erlan Ábil jaýap berdi, dep habarlaıdy QazAqparat tilshisi.

«Úmitkerlerdi irikteý 5 kezeńnen turady jáne ol bıyl qazan-jeltoqsan aılarynda ótedi. Ár kezeńnen keıin úmitkerler iriktelip, tıisinshe olardyń sany azaıyp otyrady. Birinshi kezeń – mátindik jáne sandyq aqparatpen jumys isteý qabiletin baǵalaý. Bul kezeńnen barlyq úmitkerler ótýi tıis jáne kelesi kezeńge eń kóp ball jınaǵan úmitkerlerdiń 50%-y jiberiledi. Testileýden tapsyrý tilin úmitker óz betinshe tańdaıdy, test 25 suraqtan turady jáne olarǵa jaýap berýge 25 mınýt ýaqyt beriledi. Testileý aıaqtalǵan soń onyń nátıjesi úmitkerdiń jeke kabınetinde jarııalanady. Aıtyp ótetin jaıt, tapsyrmanyń nátıjesi avtomatty túrde júzege asyrylady ıaǵnı adamnyń qatysy joq. Eger birneshe úmitkerdiń testileý nátıjesi teń bolǵan jaǵdaıda másele Ulttyq komıssııayń talqysyna túsedi», - dedi Erlan Ábil OKQ-de onlaın ótken baspasóz máslıhatynda.

Onyń aıtýynsha, ekinshi kezeńde úmitkerlerge sıtýatsııalyq tapsyrmalar beriledi. Onda úmitkerler QR 2025 jylǵa deıingi Ulttyq damý josparyna sáıkes taqyryptyq baǵytty tańdap, sol boıynsha tapsyrmany oryndaıdy. Tapsyrmany oryndaýǵa 45 mınýt beriledi jáne onyń jaýaby 500 sózden aspaýy tıis.

«Úmitkerdiń quzyrettiligin baǵalaý kezeńine 250-den artyq adam shaqyrylmaıdy. Arnaıy tirkeýden ótkennen keıin úmitkerler baǵalaýdyń eki túrinen – assesment-ortalyqta oflaın formattaǵy jáne onlaın formattaǵy quzyretter boıynsha suhbattan ótedi. Bul kezeń úmitkerlerdiń boıynda kelesideı quzyretterdi anyqtaýǵa jáne baǵalaýǵa baǵyttalǵan: strategııalyq oılaý, proaktıvtilik, sendire bilý, qyzmetti basqarý, komandalyq kóshbasshylyq. Assesment-ortalyqtyń nátıjesi boıynsha árbir úmitkerge qysqasha esep jasalyp, ol 20 jumys kúninen keshiktirilmeı úmitkerlerdiń jeke kabınetinde ornalastyrylady. Quzyretter boıynsha onlaın suhbatqa úzdik nátıje kórsetken 125-ten aspaıtyn úmitker jiberiledi», - deıdi ol.

Rektordyń málimdeýinshe, onlaın suhbat úmitkerlerdiń ishki ynta-jigerin jáne qundylyq baǵdarlaryn aıqyndaıtyn quzyretterdi anyqtaýǵa baǵyttalady.

«Іrikteýdiń kelesi kezeńi sarapshylyq komıssııaǵa aldyńǵy syndarda eń úzdik nátıje kórsetken 100-den aspaıtyn úmitker jiberiledi. Onda kandıdattarmen áńgimelesý onlaın nemese oflaın túrde ótedi. Sarapshylyq komıssııa otyrysynyń qorytyndysy boıynsha 65 úmitkerden aspaıtyn tizim jasalyp, ol Ulttyq komıssııa otyrysynda qaraýǵa usynylady. Ulttyq komıssııa otyrysynyń qorytyndysy boıynsha 50-den aspaıtyn úmitkerdi rezervke alý týraly sheshim qabyldanady», - dedi E. Ábil.

Buǵan deıin habarlaǵanymyzdaı, elimizde Prezıdenttik jastar kadr rezevrine kandıdattardy irikteýdiń ekinshi kezeńi bastalady. Sondaı-aq, atalǵan jobaǵa arnalǵan portaldyń iske qosylatyny aıtyldy.



Joǵary qaraı