Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik jastar kadr rezervi jobasyna arnalǵan portal iske qosylady

2021 jyldyń 16 tamyz 2021 14:16

NUR-SULTAN. QazAqparat – Qazaqstanda jýyrda Prezıdenttik jastar kadr rezervine kandıdattardy irikteýdiń ekinshi kezeńi bastalady. Osy oraıda atalǵan jobaǵa arnalǵan portal iske qosylady.

Bul týraly Memlekettik qyzmet personalyn basqarý ulttyq ortalyǵy AQ-nyń bas dırektory Kenjebek Sanabaev málim etti, dep habarlaıdy QazAqparat tilshisi.

«Biz arnaıy ınternet portal ázirledik, ol erteńnen bastap qoljetimdi bolady. Dálirek aıtqanda pkreserv.gov.kz saıty birneshe bólimnen turady, basty bet, joba týraly, jıi qoıylatyn suraqtar, galereıa jáne irikteýdiń qorytyndysy. Portalda Prezıdenttik jastar kadr rezervi jobasyna qatysty barlyq aqparattar qazaq jáne orys tilderinde bolady. ıAǵnı jobany ótkizýdiń barlyq kezeńi saıtta ashyq túrde jarııalanady. Kez kelgen adam kandıdattyń aty-jónin terip irikteýdiń nátıjesimen tanysa alady. Bul ashyqtyq pen jarııalylyqty qamtý maqsatynda jasalyp otyr», - dedi Kenjebek Sanabaev OKQ-de onlaın ótken baspasóz máslıhatynda.

Onyń aıtýynsha, kadr rezervine testileý kezinde kandıdattarǵa táýlik boıy qoldaý kórsetiledi.

«Sonymen qatar irikteýge qatysýshy kandıdattarda túrli suraqtar týyndaýy múmkin. Osy oraıda kandıdat óz suraǵy men ótinishin elektrondy poshta kómegimen portalǵa jibere alady. Odan ári mamandar qoıylǵan suraqtarǵa tıisti jaýap beredi. Kandıdat portalǵa tirkeler aldynda odan ETsQ-y (elektrondy tsıfrlyq qoltańba) men onyń kelisimi suralady jáne ár kandıdattyń jeke kabıneti bolady. Sondaı-aq, irikteýge qatysýshy úmitker portalǵa tirkelgen soń zań aıasynda portaldaǵy ár áreketine jaýapty bolady», - deıdi ol.

Buǵan deıin habarlaǵanymyzdaı, elimizde Prezıdenttik jastar kadr rezevrine kandıdattardy irikteýdiń ekinshi kezeńi bastalady.



Joǵary qaraı