Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prezıdenttik jastar kadr rezervine irikteýdiń tórtinshi kezeńi bastaldy

2021 jyldyń 26 qazan 2021 22:31

NUR-SULTAN. QazAqparat Memlekettik qyzmet isteri agenttigi Prezıdenttik jastar kadr rezervine irikteýdiń kelesi kezeńi – quzyretterdi baǵalaý kezeńiniń bastalǵandyǵyn jarııa etti. Atalǵan kezeń 25 qazanynan bastap 28 qarashaǵa deıin ótedi, dep habarlaıdy QazAqparat vedomstvonyń baspasóz qyzmetine silteme jasap.

Bul kezeń assessment ortalyq jáne quzyretter boıynsha suhbat atty 2 bloktan turady.

Ótken kezeńniń qorytyndysy boıynsha 235 úmitker osy tórtinshi kezeńge ótti.

Assessment ortalyq offlaın formatta ótedi. Ol minez-qulyq kórsetkishteriniń jıyntyǵy arqyly úmitkerlerdiń belgili bir quzyretin anyqtaýǵa jáne baǵalaýǵa baǵyttalǵan.

Úmitkerler úshin assessment ortalyq 25-30 qazan aralyǵynda offlaın formatta ótedi, sodan keıin 1-15 qarasha aralyǵynda sarapshylar barlyq materıaldardy óńdep, jeke esepter daıyndaıdy.

Assessment ortalyq minez-qulyq ındıkatorlarynyń jıyntyǵy arqyly úmitkerdiń strategııalyq oılaý, proaktıvtilik, qyzmetti basqarý, komandalyq kóshbasshylyq, sendire bilý sııaqty quzyretin anyqtaýǵa jáne baǵalaýǵa baǵyttalǵan.

Quzyretterdi baǵalaýdyń osy blogy toptyq jáne jeke tapsyrmadan turady, protsess barysynda úmitkerdiń minez-qulqyn sertıfıkattarǵa ıe sarapshy baǵalaýshy – asessorlar baqylaıdy.

Atalǵan tapsyrmanyń árqaısysynda úmitkerlerge qatań shekteýli ýaqyt ishinde arnaıy býklettegi aqparattyq materıaldardy taldaý negizinde ózekti óńirlik problemanyń sheshimin usyný qajet bolady.

Assessment ortalyqtyń barlyq rásimin Memlekettik basqarý akademııasynyń sertıfıkattaryna ıe sarapshy baǵalaýshy toby júrgizedi.

Assessment ortalyqtyń qorytyndysy boıynsha kelesi baǵalaý kezeńi – quzyretter boıynsha suhbatqa eń jaqsy nátıje kórsetken 125-ten aspaıtyn úmitker jiberiledi.

Quzyretter boıynsha suhbat 20-28 qarasha aralyǵynda kásibı HR menedjerlerdiń qatysýymen jeke qurylymdalǵan suhbat túrinde onlaın formatta júrgiziledi.

Suhbat barysynda úmitkerlerdiń ishki ynta-jigeriniń deńgeıi men olardyń qundylyq baǵdarlaryn aıqyndaıtyn quzyretter týraly barynsha obektıvti túsinik alýǵa múmkindik beretin suraqtar qoıylady. Suhbat nátıjeleri boıynsha irikteýdiń kelesi kezeńi – Sarapshylyq komıssııada áńgimelesýge eń jaqsy nátıje kórsetken 100-ge jýyq úmitker jiberiledi. Іrikteý qorytyndysy boıynsha rezervke 50 úmitker alynady.


Joǵary qaraı