Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Prezıdenttiń ıtbalyqtyń máselesin qozǵaǵany qoǵamdaǵy jaıttarǵa beı-jaı qaramaıtyndyǵyn kórsetti – ǵalym

2020 jyldyń 11 shilde 2020 17:02

NUR-SULTAN. QazAqparat – QR Prezıdenti Qasym-Jomart Toqaevtyń qatysýymen ótken Úkimettiń keńeıtilgen otyrysynda qaralǵan máselelerge qatysty otandyq tanymal ǵalym, zańger Halıda Ájijulova QazAqparat tilshisimen oı bólisti.

«Keshegi otyrysta prezıdentimiz Qasym-Jomart Kemelulynyń qozǵaǵan máseleleriniń ishinde erekshe áser qaldyrǵany jan-janýarlarǵa degen qarym-qatynas pen olardy qorǵaý kerektigin basa aıtqany. Bul rasymen bizdiń qoǵam úshin túıitkildi másele. Sebebi azamattardyń jan-janýarlarǵa degen teris áreketterin ár kezde áleýmettik jeliden kórip júrmiz. Sondaı-aq, balalarǵa qorshaǵan ortany qorǵaý, oǵan zııanyn tıgizbeý týraly erte jastan aıtyp, tárbıelegen jón. Osy oraıda Memleket basshysy Bilim mınıstrligine aldaǵy oqý jylynan bastap jańa pán engizýdi tapsyrdy, bul da quptarlyq is. Odan bólek, bastaýysh synyptarda adam jáne jahandyq quqyq degen pándi júrgizý qajet degen pikirdemin. Óıtkeni balalar óziniń jáne ózgeniń quqyqtaryn kishkentaıynan bilip ósýi tıis. Men osy salany zerdelep júrgen maman retinde qajet bolsa, atalǵan pánniń baǵlarlamasyn ázirleýge mınıstrlikke qolushymdy sozýǵa daıynmyn», - dedi H. Ájiǵulova.

Ǵalymnyń pikirinshe, Memleket basshysynyń áleýmettik, qoǵamdyq máselelerden habardar bolyp, ony der kezinde sheshýge tapsyrma beretini qýantady.

«Prezıdenttiń qoǵamda oryn alyp jatqan túrli turmystyq problemany nazardan tys qaldyrmaı, úlken jıynda qozǵaǵany erekshe unady. Sebebi máseleniń úlken, kishisi bolmaıdy. Búgin qolǵa alynbasa, erteń kesh bolady. Prezıdenttiń ıtbalyqtyń máselesin qozǵaǵany qoǵamdaǵy jaıttarǵa beı-jaı qaramaıtyndyǵyn kórsetti. Endigi is Úkimet pen tıesili mınıstrlikterde. Memleket basshysynyń eskertýi men tapsyrmasynan keıin qajetti zańdyq normalar qabyldanyp, janýarlardy jaýyzdyqtan qorǵaý máselesi oń sheshimin tabady dep úmittenemin», - dedi ol.

Eske sala ketsek, keshe ótken Úkimettiń keńeıtilgen otyrysynda QR Prezıdenti Qasym-Jomart Toqaev jýyrda oryn alǵan áleýmettik jelide demalyp jatqan adamdar Kaspıı ıtbalyǵyna tas laqtyrǵany týraly vıdeoǵa qatysty óz pikirin bildirdi. Sondaı-aq, Bilim jáne ǵylym mınıstri A. Aımaǵambetovke atalǵan máselege qatysty oılaný kerektigin aıtty.



Joǵary qaraı