Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Prezıdenttiń Qytaıǵa sapary óte joǵary deńgeıde ótti – Berik Ýálı

2019 jyldyń 13 qyrkúıek 2019 15:38

NUR-SULTAN. QazAqparat - Qazaqstan Prezıdenti Qasym-Jomart Toqaevtyń Qytaıǵa sapary óte joǵary deńgeıde ótti. Bul týraly búgin Ortalyq kommýnıkatsııalar qyzmetindegi brıfıngte QR Prezıdentiniń baspasóz hatshysy Berik Ýálı aıtty, dep habarlaıdy QazAqparat tilshisi.

«Memleket basshysy Qasym-Jomart Toqaev myrza Qytaı Halyq Respýblıkasyna ekikúndik memlekettik saparmen baryp qaıtty. Sapar óte nátıjeli, joǵary deńgeıde ótti dep aıtýǵa tolyq negiz bar. Onyń nátıjesinde Qazaqstan men Qytaı Kóshbasshylary birlesken málimdeme jasap, 10 mańyzdy qujatqa qol qoıyldy. Jalpy, QHR Tóraǵasy Sı Tszınpın myrza men Qasym-Jomart Toqaevtyń arasynda óte joǵary deńgeıdegi kelissóz ótti. Munan bólek Prezıdent kórshi eldiń birqatar memleket qaıratkerimen, isker top ókilderimen júzdesti. Qytaı qoǵamdyq ǵylymdar akademııasynyń ustazdarymen, stýdentterimen kezdesip, olardyń aldynda dáris oqydy. Sonymen qatar sol jaqta oqyp júrgen stýdentterimizben de kezdesti», - dedi Berik Ýálı.

Onyń atap ótýinshe, Memleket basshysy Hanchjoý qalasynda Qytaıdyń álemdik naryqqa ınnovatsııalyq ónimderin shyǵaratyn Hikvision kompanııasynyń jáne jahandyq ınternet saýda salasynyń kóshbasshysy sanalatyn Alibaba Group kompanııasynyń shtab-páterinde bolǵan. Kompanııanyń negizgin qalaǵan Djek Mamen kezdesken. Qazaqstan Prezıdenti Djek Maǵa Qazaqtyń uly aqyny Abaıdyń 175 jyldyǵyna oraı álemdik chellendjge ún qosqany úshin rızashylyǵyn bildirgen.

«Jalpy, kórshiles elderdiń yntymaqtastyǵyn arttyratyn keleli kelisimder jasalǵan, uzaq merzimdi strategııalyq qarym-qatynasty nyǵaıta túsken jemisti sapar boldy dep nyq senimmen aıta alamyz. Ózderińiz bilesizder, Qazaqstan terrıtorııalyq turǵydan álemdegi eki alyp memleketpen qurlyqtaǵy shekarasy bar. Onyń biri Reseı bolsa, shyǵysymyzda - Qytaı memleketi. Qazirgi tańda elimizdiń 1782 shaqyrym shekarasy osy Qytaımen shektesedi. Bul úlken qurlyqtyq shekara bolyp esepteledi. Kórshiles, irgeles turǵan elmen aralaspaı, alys-beris jasamaı tura almaımyz. Óıtkeni, Qytaı bizdiń Qudaı qosqan kórshimiz. Sol sebepti Qytaımen baılanysymyzdy ornyqtyrýymyz, máńgilik strategııalyq áriptestik ornatýymyz zańdylyq»,- dedi Prezıdenttiń baspasóz hatshysy.


Joǵary qaraı