Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Prezıdenttiń sózi halyqqa senim, jiger syılady – Berdibek Saparbaev

2022 jyldyń 11 qańtar 2022 19:54

TARAZ. QazAqparat - QR Prezıdenti Qasym-Jomart Toqaevtyń Májilistiń jalpy otyrysyndaǵy tapsyrmalaryn oryndaý boıynsha Jambyl oblysynyń ákimi Berdibek Saparbaev shuǵyl jıyn ótkizip, jaýaptylarǵa naqty tapsyrmalar júktedi, dep habarlaıdy QazAqparat.

«Bizdiń qazirgi eń basty mindetimiz – halyqtyń qaýipsizdigin qamtamasyz etý, ol quqyq qorǵaý organdary birlesip jedel, nátıjeli jumys júrgizýi tıis. Arańdatýshylar men uıymdastyrýshylardyń bárin taýyp, jazalaý kerek!

Memleket basshysynyń tapsyrmasyna sáıkes azyq-túlik, ásirese, áleýmettik mańyzy bar taýarlardyń, suıytylǵan gaz, janar-jaǵar maı, tarıfterdiń baǵasyn kúndelikti qadaǵalap otyryńyzdar. Jarııalanǵan moratorıı saqtalý qajet. Qandaı da bir buzýshylyqtar bolsa, oǵan qatań sharalar qoldanylady. Qoǵamdyq tártip, dinı, ultaralyq máseleler – basty nazarda bolýy tıis», - dedi B. Saparbaev.

Aımaq basshysy oblystyń ekonomıkasyn kóterýdegi negizgi salalardaǵy jumystardy kúsheıtýge erekshe nazar aýdardy. Qurylystaǵy birtıptik jobalar úlgisin tıimdi paıdalanyp, bıýdjet qarajatyn únemdeýge kóńil bólýdiń mańyzdylyǵyn jetkizdi.





«Prezıdent bıýdjetaralyq qatynastardy túbegeıli reformalaýdyń ýaqyty jetkendigin aıtyp, Úkimetke zańnamalyq ózgerister paketin ázirleýdi, eki aıdyń ishinde halyqtyń kirisin arttyrý baǵdarlamasyn qabyldaýdy tapsyrdy. Bul baǵdarlamaǵa biz óz usynystarymyzdy ázirlep, joldaýymyz kerek», - dedi aımaq basshysy.

Sondaı-aq, basqosýda epıdemıologııalyq ahýaldyń kúrt nasharlap bara jatqany da sóz boldy. Sońǵy táýlikte oblysta koronavırýstyń 46 jaǵdaıy tirkelgenin tilge tıek etken oblys ákimi Pfizer vaktsınasymen qamtý jáne revaktsınatsııa boıynsha jumystardy kúsheıtý kerektigin aıtyp, tıisti basqarma, qala jáne aýdan ákimderine tapsyrma berdi.

«Memleket basshysy jergilikti atqarýshy organdardyń jumysyna artylatyn júktiń orasan ekenine toqtaldy. Oblys ákiminiń orynbasarlary, basqarma basshylary, aýdan ákimderi aýyldardy aralap, jergilikti halyqtarmen jıi kezdesýler ótkizý qajet. Olardyń máselelerine qulaq túrip, jastar tárbıesi, qoǵamdaǵy birlik jaıly túsindirý, úgit-nasıhat sharalaryn úzdiksiz uıymdastyrý mańyzdy. Sondaı-aq, suranysqa saı, ekonomıkanyń jańa salalaryna qajetti mamandar daıarlaý boıynsha jumys júrgizińizder», - dedi B. Saparbaev.

Onyń aıtýynsha, Prezıdenttiń tapsyrmalaryn oryndaý úshin naqty áreketke kóshý kerek.

«Memleket basshysynyń sózi men tapsyrmalary halyqqa úlken senim, jiger syılady. Halyq qazir bılikke úlken senim artyp, qoǵamdyq qaýipsizdikti qamtamasyz etýdi kútip otyr. Biz sol senim údesinen shyǵyp, Prezıdenttiń tapsyrmalaryn oryndaý boıynsha naqty áreketke kóshý kerekpiz. Júktelgen mindettemelerdiń júzege asýy boıynsha jumystar kúndelik óz baqylaýymda bolady», - dedi oblys ákimi.








Joǵary qaraı