Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Prokýratýra kásipkerlerdi jaýapqa tartý týraly 28 myń sheshimniń kúshin joıdy

2021 jyldyń 16 maýsym 2021 17:56

ALMATY. QazAqparat - Almaty prokýratýrasy bıznesti qorǵaý jumystary týraly aıtty, dep habarlaıdy QazAqparat tilshisi.

Qala prokýrorynyń birinshi orynbasary Berik Adamovtyń aıtýynsha, Almaty qalasynda prokýratýra qyzmetkerleri moratorıı kezeńinde monıtorıng pen taldaý júrgizý arqyly eki myńǵa jýyq zańsyz tekserýdiń aldyn aldy.

Sonyń ishinde jumyspen qamtý ortalyǵynyń zańsyz tekserý júrgizip jatqan jerinen 112 ret ustalǵanyn atap ótti.

«Ortalyq «Eńbek» memlekettik baǵdarlamasy boıynsha granttardyń maqsatty paıdalanylýyn qadaǵalaý degendi ilik etip, is júzinde shaǵyn kásipkerlik sýbektilerine 112 tekserý júrgizgen. Taǵy alda josparlanǵan osyndaı 1,2 myń tekserý sharasyn ótkizý aldyn ala toqtatyldy. Sondaı-aq 800-den astam jeke balabaqshaǵa baryp, qujattaryn tekserý jónindegi jospardyń kúshi joıyldy», - qala prokýrorynyń birinshi orynbasary.

Sondaı-aq, memlekettik organdar josparlaǵan 18 tekserýdiń kúshi joıyldy.

«Qalalyq prokýratýra memlekettik organdardyń 300 mıllıon teńge shamasynda salynǵan aıyppuldary boıynsha 28 myńnan astam kásipkerdi ákimshilik jaýapqa tartý týraly sheshimniń kúshin joıdy. Jalpy 34 myńnan astam kásipkerdiń quqyǵy qorǵalady», - deıdi Berik Adamov.


Joǵary qaraı