Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Psıhıkalyq uıymǵa emdeýge jiberilmeıtin aýrýlar tizbesi jarııalandy

2020 jyldyń 2 jeltoqsan 2020 12:09

NUR-SULTAN. QazAqparat - QR Densaýlyq saqtaý mınıstriniń «Psıhıkalyq densaýlyq salasynda medıtsınalyq-áleýmettik kómek kórsetýdiń keıbir máseleleri týraly» buıryǵy jarııalandy. Qujat Qazaqstan Respýblıkasynyń elektrondy nysandaǵy normatıvtik quqyqtyq aktilerdiń etalondy baqylaý bankinde ornalastyrylǵan, dep habarlaıdy QazAqparat.

Atalǵan buıryqqa sáıkes, psıhıkalyq densaýlyq salasynda medıtsınalyq kómek kórsetetin uıymǵa jiberilmeıtin psıhıkalyq belsendi zattardy tutynýmen baılanysty psıhıkalyq, minez-qulyqtyq buzylýshylyqtary (aýrýlary) bar adamdarǵa qatysty medıtsınalyq qarsy kórsetilimderdiń tizimi; psıhıkalyq, minez-qulyqtyq buzylýshylyqtary (aýrýlary) bar adamdarǵa dınamıkalyq baıqaý, sondaı-aq dınamıkalyq baıqaýdy toqtatý qaǵıdalary bekitiledi. Pıhıkalyq belsendi zatty tutyný faktisin jáne mas bolý kúıin anyqtaý úshin medıtsınalyq kýálandyrý júrgizý qaǵıdalary; jynystyq sáıkestendirý buzylýlary bar adamdar úshin medıtsınalyq kýálandyrý jáne jynysty aýystyrýdy júrgizý tártibi naqtylanady. Munan bólek, sot qaýlysy boıynsha merziminen buryn emdeldi dep shyǵarylǵandardan basqa densaýlyq saqtaý salasynda medıtsınalyq kómek kórsetýdiń májbúrli emdeýge arnalǵan uıymnan shyǵarylǵannan keıin májbúrli emdeýge ushyraǵan adamdardyń qoldaýshy emdeýden ótý qaǵıdalary bekitiledi.

Buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.


Joǵary qaraı