Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

PTR-anyqtamasy joq sheteldikter ushaqqa otyra almaıdy – aptalyq sholý

2020 jyldyń 31 qazan 2020 16:30

NUR-SULTAN. QazAqparat - Elimizde koronovırýs ınfektsııasyn juqtyrǵan azamattardyń sany artyp keledi. Bul saqtyq sharalaryn elemeı toı-jıyndarǵa barǵandardyń esebinen de ulǵaıyp otyr.

Kúndelikti qarapaıym saqtyq qaǵıdalaryn eskermeıtin, tipti senbeıtinder de kezdesedi. Onyń ústine qaýipti indet órship turǵan shetelderden keletinderdi de qatań baqylaýǵa almasa, kóktemdegi stsenarıı qaıtalanýy múmkin. Osy aptada qaýipti indetke qatysty qandaı oqıǵalar tirkelgenin jáne qandaı saqtyq sharalary kúsheıtilgenin sholyp óteıik.

Ótken táýlikte koronavırýs ınfektsııasynyń belgileri bar pnevmonııanyń 172 jaǵdaıy jáne 2 ólim jaǵdaıy tirkeldi. 23 adam emdelip shyqty. 1 tamyzdan beri elimizde aýyrǵandar sany - 37746, 401 ólim tirkeldi, al jazylyp shyqqandardyń sany 28710 jetti.

Búgin elordaǵa halyqaralyq áýe reısterimen kelgen 62 jolaýshy karantınge jatqyzyldy. Olardyń qolynda PTR-anyqtama bolmaǵan. Endi bir apta boıy statsıonarda dárigerlerdiń baqylaýynda bolady. Bul týraly «Habar 24» telearnasy habarlady. Oqshaýlaý merzimi bas sanıtarlyq dárigerdiń qaýlysyna saı ózgertildi.

Jalpy ótken táýlikte bas qalaǵa Túrkııa, Birikken Arab Ámirlikteri jáne Belarýs memleketterinen 799 qazaqstandyq keldi. Basym bóliginde koronavırýs juqtyrmaǵany jóninde anyqtama bar. Sondyqtan tekserýsiz úılerine qaıtaryldy.

Aıta keteıik, qazir PTR-anyqtamasy joq shetel azamattarynyń ushaqqa otyrýyna ruqsat joq. Onsyz tek qazaqstandyqtar ǵana elge qaıta alady. Sóıtip, qalaǵa kelgen boıda karantınge jatqyzylady.

Elordada koronavırýs juqtyrǵandar arasynda áıel adamdardyń sany artyp, 53%-ti qurady. Bul týraly qala ákimdiginiń ókilderi onlaın brıfıng barysynda habarlady. Kún saıyn aýrý belgileri bar 30 shaqty adam anyqtalyp jatyr. Alaıda halyq arasynda syrqattanyp qalǵanyn jasyryp júrgender de kóbeıdi. Saldarynan dárigerler ýaqytyly járdem kórsete almaı jatyr. Aýyrǵandar qatarynda mektep oqýshylary da az emes. Zerthanalyq taldaý nátıjesinde 18 bala koronavırýs ınfektsııasyn juqtyrǵany anyqtaldy.

Aıta keteıik, olardyń 15-i qashyqtan bilim alyp júr. Jalpy oqý jyly bastalǵaly 30 oqýshy aýyrǵan. Epıdemıologııalyq ahýaldyń nasharlaýyna baılanysty qalada karantın rejımi ázirge jeńildemeıdi.

Jurt aýrý juqtyryp almaıyq dep úreılenip júr. Memleket halyqtyń amandyǵyna alańdap otyr. Al, ashkózder aqsha jymqyrǵan. Tarazda koronavırýspen kúreske bólingen qarjyny jymqyrdy degen sheneýnikter tergelip jatyr. Bul týraly Sybaılas jemqorlyqqa qarsy qyzmet ókilderi málimdedi. Qazir kúdikke ilingen Densaýlyq saqtaý basqarmasynyń laýazymdy tulǵalary tergelip jatyr. Olar medıtsınalyq buıymdardy qymbat baǵaǵa satyp alǵan. Sonyń kesirinen memleketke iri kólemde shyǵyn kelip otyr.

Elimizdiń shyǵysynda birinshi qarashadan bastap karantındik rejım kúsheıtiledi, dep habarlaıdy «Habar 24». Óńirdiń syrtqy jáne ishki kireberis aýmaqtarynda 13 sanıtarlyq baqylaý beketi ornatylady. Onyń jeteýin Óskemenge qoıý josparlanǵan. Oblystyq bas memlekettik sanıtarlyq dáriger qaýlysynda bul beketterdiń qashanǵa deıin turatyny sanıtarlyq-epıdemııalogııalyq ahýalǵa baılanysty ózgeretini eskertildi. Qujatqa saı oblys jáne Óskemen aýmaǵyna kirip-shyǵýǵa tyıym salynady. Biraq óńir ishinde qozǵalýǵa ruqsat. Merekelik is-shara ótkizý úshin jeke úılerdi jalǵa alýǵa bolmaıdy. Memlekettik organdarǵa azamattarǵa jeke qabyldaý júrgizýge tyıym salynady. Sulýlyq salondary men shashtarazdar tańǵy 9-dan keshki 7-ge deıin jumys isteýi tıis.

Mańǵystaý oblysynda sońǵy aptada koronavırýs juqtyrý jaǵdaılary kóbeıgen. Dárigerler muny turǵyndardyń toı-jıyndarǵa barýyn toqtatpaýymen baılanystyrady. Provızorlyq statsıonarlarda emdelip jatqandardyń basym bóligi 60 jastan asqandar. 6 adam aýyr halde. Endi ekinshi ret toı jasap ustalǵan meıramhanalar sottyń sheshimimen qyzmetin múldem toqtatýy múmkin. Qazir karantın talaptaryn buzǵan toıhana, kafe ıelerine qatysty zań jobasy qaralyp jatyr. Sebebi, keıbir óńirlerde kópshilikti jınaǵany úshin ákimshilik jazaǵa tartylǵan kásipkerler qaıtadan ereje buzyp jatyr.

Jambyl oblysynda karantın tártibin buzǵany úshin 270 adam jazalandy. Olar 33 mıllıon teńgeden astam aıyppul tólegen. Qomaqty aıyppul toı toılaıtyndarǵa tosqaýyl bolmaı tur. Meıramhana qojaıyndary karantındik shekteýlerge shekeden qaraıtyn bolǵan. Esikti qulyptap qoıyp, dúrkiretip toı jasaýdy jalǵastyryp jatyr. Polıtseıler reıd kezinde 500 adam kelgen toıdyń ústinen túsken. Qazir aımaqta 50 monıtorıngtik top qurylyp, baqylaý jumystaryn kúndelikti júrgizedi. Óńirde sońǵy 4 aıda 4700-den astam túrli oıyn-saýyq ortalyqtary, dámhana, toıhana sııaqty nysandar tekserilgen.

Kórshi eldegi epıdemıologııalyq jaǵdaıdyń nasharlaýyna baılanysty Qazaqstan-Reseı shekarasynda sanıtarlyq baqylaý kúsheıe tústi. Qostanaı oblysynda tórt sanıtarlyq baqylaý beketi bar. Onda kelýshilerden saýalnama alynyp, dene qyzýy tekseriledi. Jolaýshylar COVID-19 indetin juqtyrmaǵanyn rastaıtyn anyqtama usynýy tıis. Eger ondaı qujat bolmasa, eki kúndik karantındik statsıonarǵa jatqyzylady.


Avtor Álimhan Qanatuly
Basty sózder: Medıtsına, Koronavırýs,
Joǵary qaraı