Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

PTR anyqtamasy joq jolaýshyny ushaqqa otyrǵyzýǵa tyıym salý tek sheteldikterge qatysty - Úkimet

2020 jyldyń 27 qazan 2020 16:12

NUR-SULTAN. QazAqparat - Qazaqstan aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń áýe kompanııalaryna PTR testi nátıjesi týraly anyqtamasy joq jolaýshylardy ushaqqa otyrǵyzýǵa tyıym salý týraly sheshimin QR Úkimetiniń baspasóz qyzmeti túsindirdi, dep habarlaıdy QazAqparat VAK-tyń Telegram paraqshasyna silteme jasap.

QR aýmaǵynda koronavırýs ınfektsııansynyń taralýyna jol bermeý jónindegi vedomstvoaralyq komıssııa (VAK) aǵymdaǵy jyldyń 26 qazanynan bastap halyqaralyq áýe tasymalyn júzege asyratyn áýe kompanııalaryna PTR-testiniń nátıjeleri týraly anyqtamasy joq jolaýshylardy ushaqqa otyrǵyzýǵa tyıym salý týraly sheshim qabyldady.

Bul talap tek sheteldik azamattarǵa qatysty. Shetelde júrgen QR azamattarynyń áýe reısterimen PTR-testileýden ótkeni týraly anyqtamasynsyz otanyna oralýǵa quqyǵy bar.
Mundaı jaǵdaıda Qazaqstanǵa kelgennen keıin qazaqstandyqtar PTR-testileý nátıjesin alǵanǵa deıin karantınge ornalastyrylatyn bolady.
QR óńirleri arasyndaǵy ishki áýe reısteriniń ushaǵyna otyrǵyzý kezinde PTR-test nátıjesi týraly anyqtama talap etilmeıdi.


Basty sózder: QR Úkimeti, Koronavırýs, Kólik,
Joǵary qaraı