Aýa raıy
Astana -8 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

PTR-test tapsyrǵandardy 5G kómegimen baqylaıdy degen aqparat  jalǵan

2020 jyldyń 23 qazan 2020 09:32

NUR-SULTAN. QazAqparat - Áleýmettik jeliler men messejerlerde feık belsendi taratylýda. Avtordyń aıtýynsha, bir nemis dárigeri PTR synaqtar alýǵa arnalǵan zondtardy zerttep, olardan metall qapsyrmalardy tapqan. StopFake.kz bul teorııanyń nege burys ekeni jaıly aıtady, dep habarlaıdy QazAqparat .

Keıbir paıdalanýshylardyń paıymdaýynsha, olar jutqynshaqta qalady jáne 5G sıgnalyn qabyldap, adamnyń oı-sanasyn basqarady.

Birinshiden, PTR synaqtary vıskoza anjysy bar arnaıy polıstırol zondtardyń kómeg alynady. Olarda metall bólshekter joq.

Ekinshiden, 5G-di oı-sanany basqarý úshin paıdalaný múmkin emes. Bul – jańa býyndaǵy uıaly baılanystyń standarty. Ol qazirgi ózimiz daǵdylanǵan 3G jáne 4G prıntsıpimen jumys isteıdi. Álemde onyń kómegimen bireýdiń oı-sanasyn basqarǵan jaǵdaılar bolǵan joq.

5G ereksheligi – bul format joǵary ótkizý qabilettiligin qamtamasyz etedi, ıaǵnı keń jolaqty ınternetti qoljetimdi etedi. Alǵashqy pre-5g bazalyq stantsııasy 2015 jyly Barselonada iske qosylǵan. 2016 jyly bul tehnologııa birinshi ret Reseıde synaldy. Sol kezde derekterdi taratý jyldamdyǵy 4,5 Gbıt/sek quraǵan.

Úshinshiden, qoldanystaǵy 3G jáne 4G sıgnaldaryn metall bóligimen ustaý múmkin emes. Bul málimdeme jańa formattaǵy jelige qosylýǵa qatysty. Ol úshin sizge kem degende bir antennasy bar jáne ınternetke qosyla alatyn smartfon, planshet nemese basqa qurylǵy qajet bolady. Búgingi kúni tek mıkroskoppen ǵana kórýge bolatyn kishkentaı antennalar joq.

Demek, PTR-testter arqyly 5G metall bólshekterdiń engiziletini týraly málimdeme shyndyqqa janaspaıdy.

Bul jańa formattaǵy jeli aınalasyndaǵy alǵashqy mıf emes.

Buǵan deıin jeli qoldanýshylary 5G jelileri COVID-19 taratady degen bolatyn. DDSU bul málimdemeni joqqa shyǵardy. Uıymnyń habarlaýynsha, vırýstar radıo jáne ınternet sıgnaldary arqyly taralmaıdy.


Basty sózder: Qoǵam, Internet,
Joǵary qaraı