Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pýsanda Qazaqstannyń Bas konsýldyǵy ashyldy

2022 jyldyń 13 mamyr 2022 17:21

NUR-SULTAN. QazAqparat - Pýsan qalasynda Qazaqstan Respýblıkasynyń Bas konsýldyǵynyń saltanatty ashylý rásimi ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Qazaqstan Elshisi Baqyt Dúısenbaev quttyqtaý sózinde Bas konsýldyqtyń ashylýyna atsalysqany úshin Koreıa Respýblıkasynyń Úkimetine, Syrtqy ister mınıstrligine jáne Pýsan qalasynyń ákimshiligine erekshe alǵys bildirdi.

B. Dúısenbaev Qazaqstan Bas konsýldyǵynyń ashylýy eki eldiń arasyndaǵy dıplomatııalyq qatynastardyń ornaǵanyna 30 jyl tolýymen tuspa-tus kelgen tarıhı oqıǵa ekenin atap ótti.




Ashylý saltanatynda Pýsandaǵy QR Bas konsýly Aıan Qashabaev sóz sóılep, Bas konsýldyqtyń ekijaqty yntymaqtastyqty jandandyrý, sondaı-aq Qazaqstan azamattarynyń zańdy quqyqtary men múddelerin qorǵaý úshin barlyq kúsh-jigerin salatynyn atap ótti.

Іs-sharaǵa Koreıa Respýblıkasy Syrtqy ister mınıstrliginiń, Pýsan qalasy merııasynyń, dıplomatııalyq korpýstyń, iskerlik toptardyń, jurtshylyq pen BAQ ókilderi qatysty.

Pýsan - Ońtústik Koreıanyń ekinshi iri qalasy jáne Soltústik-Shyǵys Azııadaǵy eń úlken port jáne halyqaralyq qarjy ortalyǵy. Pýsan aýmaǵynda 51 sheteldik dıplomatııalyq ókildikter ashyldy, olardyń ishinde 6 konsýldyq, 5 mádenı ortalyq, BUU-nyń 2 mekemesi, 1 saýda ókildigi jáne 37 qurmetti konsýldyqtar bar.











Joǵary qaraı