Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazCovid-in klınıkalyq synaǵynyń úshinshi satysy qashan aıaqtalady

2021 jyldyń 27 mamyr 2021 17:22

NUR-SULTAN. QazAqparat – Bıologııalyq qaýipsizdik máseleleri jónindegi ǵylym-zertteý ınstıtýtynyń bas dırektory Kúnsulý Zakarııa koronavırýsqa qarsy qazaqstandyq QazCovid-in (QazVac) vaktsınasyn klınıkalyq synaqtan ótkizýdiń qorytyndy úshinshi satysy qalaı ótip jatqandyǵyn aıtyp berdi, dep habarlaıdy QazAqparat tilshisi.

«Úshinshi saty jalǵasyp jatyr. Búginde úshinshi saty synaqtary 90 paıyzǵa aıaqtaldy, sodan keıin ýaqytsha tirkeýge sáıkes medıtsınalyq qoldanýǵa ruqsat berildi. Biz alǵashqy toptamasyn shyǵardyq. Kúni keshe ǵana, 25 mamyrda ınstıtýt qosymsha 50 myń dozany «SQ Farmatsııa» habtaryna jóneltti», - dedi ol QazAqparat tilshisine telefon arqyly bergen suqbatynda.

Onyń atap ótýinshe, klınıkalyq synaqtyń úshinshi satysy elimizdiń Densaýlyq saqtaý mınıstrligi bekitken hattamaǵa sáıkes júrgizilip jatyr.

«Búginde atalǵan hattamadan aýytqý bolǵan joq. Úshinshi saty osy jyldyń 9 shildesinde aıaqtalady. Úshinshi saty aıaqtalǵannan keıin málimetterge úlken saraptamalyq óńdeý júrgiziledi. Bul asqan dáldikti talap etetin aýyr protsess jáne shilde aıynyń sońynda zertteýdiń barlyq satysyna qatysty qorytyndy esep bolady. Ony bekitilgen tártippen Densaýlyq saqtaý mınıstrligine usynamyz», - dedi Kúnsulý Zakarııa.


Joǵary qaraı