Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac qashan eksportqa shyǵarylady – mınıstrdiń jaýaby

2021 jyldyń 16 maýsym 2021 15:13

NUR-SULTAN. QazAqparat – Kúzge qaraı Jambyl oblysyndaǵy QazVac vaktsınasyn shyǵaratyn zaýyt iske qosylady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Shynymen de qazaqstandyq vaktsına elimizde de, shetelde de úlken suranysqa ıe bolyp otyr. Árıne, QazVac vaktsınasynyń tanymaldyǵyn arttyrý jáne ony ózge elderge jetkizý jumystaryn júrgizý josparlanǵan. Protsedýra uzaqqa sozylady. Elderdiń vaktsınany ózara moıyndaýy, jetkiziletin elde tirkelýi qajet. Bul jumystardy birtindep bastaımyz. Qazir bul vaktsınany alýǵa nıet tanytqan seriktesterdi izdestirip jatyrmyz. Barlyq retteýshi quraldar iske qosylǵan», - dedi mınıstr Ortalyq kommýnıkatsııalar qyzmetindegi brıfıng barysynda.

Onyń atap ótýinshe, Jambyl oblysyndaǵy QazVac vaktsınasyn shyǵaratyn zaýyttyń qurylysy aıaqtalýǵa jaqyn. Zaýyt iske qosylǵannan keıin ishki jáne syrtqy naryqty qajetti vaktsınamen qamtamasyz etýge qaýqarly bolady.

«Zaýytty iske qosý jáne jóndeý jumystary aıaqtaldy. Qural-jabdyqtardy tekserý jumystary júrgizilip jatyr. Jambyl oblysy ákimdiginiń aqparatyna sáıkes, reglamentke baılanysty protsedýralar júrgizilý ústinde. Kúzge qaraı bul zaýyt iske qosylyp, óndiristik qýatyn birtindep arttyrýy tıis», - dedi Alekseı Tsoı.


Joǵary qaraı