Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QazVac vaktsınany DDU tirkeý 2022 jyldyń sońyna qaraı bastalýy múmkin

2022 jyldyń 18 qańtar 2022 18:36

NUR-SULTAN. QazAqparat – QR Premer-Mınıstriniń orynbasary Eraly Toǵjanov QazVac qazaqstandyq vaktsınanyń Dúnıejúzilik densaýlyq uıymynda tirkeý merzimi týraly saýalǵa jaýap berdi, dep habarlaıdy QazAqparat tilshisi.

«Sizder túsinýlerińiz kerek. Naqty ólshemder bar. Qazaqstan basynda Ulttyq retteýshiniń birinshi deńgeıinde bolǵan. Segiz aıdyń ishinde ekinshi deńgeıge shyqtyq. Endi sony 2022 jyldyń aıaǵyna qaraı úshinshi deńgeıge jetkizý mindeti qoıylyp otyr. Qazaqstan Ulttyq retteýshiniń úshinshi deńgeıine jetken kezde bizdiń vaktsınany Dúnıejúzilik densaýlyq saqtaý uıymy resmı túrde qaraıtyn bolady. Bul – halyqaralyq standarttar, bul – talap», -dedi ol BAQ ókiliniń saýalyna bergen jaýabynda.

Aıtýynsha, memleket munymen shektelip otyrǵan joq.

«Búginde álemniń 25 elimen bizdiń vaktsına pasporttaryn ózara moıyndaý týraly kelisim bar. Bul baǵytta syrtqy ister mınıstrlikterimen, elshiliktermen naqty ári dáıekti jumys júrgizilip jatyr.

Bizdiń vaktsına buǵan deıin de aıtylǵandaı, 86-dan 90 paıyzǵa deıin tiımdilik kórsetip otyr. Sondyqtan ony kóbi moıyndaýda. Ol jaıyn óz mamandarymyzdan taǵy da naqtylaı alasyzdar», - dedi Úkimet basshysynyń orynbasary.

«Sonda DDSU qazaqstandyq vaktsınany 2022 jyldyń sońynan erte tirkemeıdi degen sóz be» dep surady BAQ ókili.

«Iá, ulttyq retteýshiniń úshinshi deńgeıine qol jetkizgen sátten bastap tirkeý bastalady. Qazir ol qaraýda jatyr ǵoı. Biraq ol úshin elimiz, Ulttyq retteýshi úshinshi deńgeıge jetýi kerek. Sondyqtan uıymǵa múshe elderdiń bárine qoıylatyn negizgi talap osy», - dedi Eraly Toǵjanov.


Joǵary qaraı