Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazVac vaktsınasy kórshi elderge jiberile me

2021 jyldyń 23 maýsym 2021 17:22

NUR-SULTAN. QazAqparat – QR Premer-Mınıstriniń orynbasary Eraly Toǵjanov otandyq QazVac vaktsınasyn kórshi elderge jetkizý týraly suraqtarǵa jaýap berdi, dep habarlaıdy QazAqparat tilshisi.

«Qazirgi ýaqytta aı saıyn QazVac vaktsınasynyń 100 myń dozasy shyǵarylady. Shilde aıyna da 100 myń vaktsına josparlanǵan. Al 30 tamyz ben 1 qyrkúıekte vaktsınanyń aılyq kólemi 600 myńǵa deıin ulǵaıady. Sondyqtan, qazirgi ýaqytta óndiris máseleleri tolyq baqylaýymyzda», - dedi E. Toǵjanov Ortalyq kommýnıkatsııalar qyzmetinde tilshiler suraǵyna bergen jaýabynda.

Sonymen birge, spıker Qazaqstanda QazVac boıynsha defıtsıt joq ekenin, shamamen 30 myń vaktsına qalyp otyrǵanyn jetkizdi. Jekelegen óńirlerde vaktsına jetispeýshiligi baıqalsa, tolyqtyrylady.

«Kórshi elderge jetkizýge kelsek, ıá, bizden vaktsına jetkizýdi suraıtyn elder bar. Biraq, eń aldymen, óz azamattarymyzdy qamtýymyz kerek. Ázirge maýsym men shilde, tipti tamyz aılarynda basqa elderge vaktsına jetkizý josparlanyp otyrǵan joq. Qyrǵyzstan resmı suraý bar, ony keshe qarastyrdyq. Vaktsına shyǵarý kólemi 600 myńǵa jetken soń, qyrkúıekte shamamen mıllıon QazVac bolady, sol kezde osy máseleni kótere alamyz», - dep túsindirdi Eraly Toǵjanov.


Avtor Aıjan Serikjanqyzy
Basty sózder: Vaktsına, QazVas,
Joǵary qaraı